Hugarheimar og draumageimar

Flutt!

2008-03-11T17:03:00.001Z

Ehhh já ég er flutt í bloggheimum...

...þessar hænur eru bara alltaf að vekja mig svo snemma á morgnana með gaggi!

jennzla.blog.is

Mér er ekki viðbjargandi!

Góðan daginn

2008-03-10T14:10:00.003Z

Ég er enn netlaus á nýja staðnum, en finnst það merkilega ágætt!

Er heima á Laugum að hafa að næs. Þetta er reyndar mjög stutt stopp en mig var bara farið að langa svo mikið að sjá fjölskylduna mína.

Spenningurinn fyrir fimmtudeginum farin að magnast upp...varla neitt annað sem kemst að hjá mér núna. Næstu dagar fara nær eingöngu í undirbúning og að gera þetta fyrir mann og annan. Ég hef ekki fundið fyrir svona miklum spenning og stressi lengi! Gaman gaman!

Búningarnir fyrir 39 og 1/2 viku komnir vel á veg og ég er líka að fá liðsauka í búningaöflunina. Reyndar nokkurra daga pása í þeim núna þar sem ég er að einbeita mér að öðru.

Líka endalaust gaman í Óperustúdíóinu! Partýjuðumst aðeins á laugardeginum og ég sigraði ávaxtaleikinn! Held að allir hafi skemmt sér mjög vel það kveld.

Fleira er ekki í fréttum.

Helstið

2008-03-03T18:37:00.003Z

Þá er maður orðin netlaus!

Er flutt í Hagana og líður vel þar eftir eina nótt :o) Fæ svo rúmið MITT í vikunni og þá fer allt að koma heim og saman. Komst að því að ég á viðbjóðslega hrottalega mikið af fötum, en bara það sem hékk uppi í skápnum tók 3 svarta plastpoka!

Fékk bréf í dag um hvenær ég megi mæta í inntökupróf og það er bara á fimmtudaginn í næstu viku! Var voða fegin þegar ég sá að ég ætti að mæta 14:30, en vinkona mín þarf að mæta kl. 8:15 og það hefði verið svakalegt! Er ekki alveg þessi morgunmanneskja en ég er strax byrjuð að vinna í því að breyta því...er t.d. núna í viku eða eitthvað búin að vakna um 10-leytið :o) Hef fulla trú á mér auk þess sem ég er að pæla í að reyna að fá vinnu í sumar þar sem þarf að mæta 8.00...ég held ég geti þetta alveg!

Annars er fátt að frétta...nema ég skipti um Sjeikspír...enn og aftur...en þetta er sá sem ég vildi upphaflega hafa en var of langur...en frétti síðan að maður mætti stytta þannig ég gerði það bara :o)

Svo var helgin biluð! Vann í 17 tíma á föstudeginum til 4 um nóttina og var svo mætt í óperustúdóið á laugardag kl. 10:00 og þaðan í búningapresentation hjá Hugleik og svo að æfa mig aðeins fyrir framan fólk fyrir inntökuprófið og svo vinna í Óperunni og svo aftur á Næsta til kl. 6:00 um morguninn...glaðvaknaði svo, einhverra hluta vegna, kl. 11:00 á sunnudagsmorguninn og gat ekki með nokkru móti sofnað aftur. Pakkaði öllum mínum föggum og flutti.

Og svo svaf ég yfir mig í morgun, en við Helgi vorum búin að stefna okkur saman að vinna smá í morgun. Hefði getað sofið endalaust en var í staðin mjög pródöktív og við unnum vel.

Allt að smella saman á öllum vígstöðvum!

Fréttaskítur

2008-02-27T18:01:00.002Z

Frekar mikið að gera þessa dagana og svo er tölvan búin að gefast upp sem er algerlega fullkomið því þá er netið ekki að trufla mig eins mikið. Kemst yfir alveg hreint endalaust mikið meira en þegar ég átti tölvu.

Er líklegast búin að fá aðra vinnu sem ég er ótrúlega sátt við. Fæ það alveg á hreint á morgun!

Þá er bara að finna sér sumarvinnu!

Búningar ganga vel
Undirbúningur gengur vel
Óperustúdíóið gengur
Skólinn jájá
Næsti fínn

Allt í svona þokkalegu orden!

Er samt farin að sjá apríl í hyllingum!

Interval

2008-02-24T16:36:00.003Z

Jáhh ég náði að gleyma að blogga á bloggafmælinu sjálfu! Mjög vel spilað!

Er viðbjóðslega þreytt enda eeeeeeeeeeeeeendalaust margt búið að vera að gerast síðan síðast, eins og:

Setti búningaplan upp
Fann mér nýjan Spíra-mónólóg
Sá mann misþyrma húðflettum kindaskrokki allsvakalega!
Hamaðist á 6 tíma leiklistarnámskeiði
Hannaði atriði
Varð næstum því vitni að fundi eilífrar hamingju
Svaf lítið
Myrða enn eina tölvuna
Eignast stjúpsysturson
Sjá 31 pissuprufuglas með innihaldi
Vita meira um inntökuprófið
Gubba
Fara á kaffirí
Fara í hlutverk reykingarlögreglu
Finna mér leiðbeinendur

Þetta finnst mér bara nokkuð vel af sé vikið á nokkrum dögum. Er voða stolt af því hvað ég er dugleg og löt.

And the show must go on...

Reality check!

2008-02-21T18:14:00.003Z

Ekki svo mikið andvaka lengur....sef bara og sef!! Er ekki viss um að það sé eitthvað skárra!

Stressið er alveg að fara með mig...er búin að hringsnúast í hausnum á mér í sólarhring núna...ætla samt að reyna að setjast niður núna og skipuleggja mig alminnilega! Er búin að leyfa mér að vera bara hálfskipulögð í vetur, því ég þurfti nauðsynlega að læra að slappa af, en núna dugar það ekki lengur!

Þetta er allt að verða svo raunverulegt núna, með inntökuprófin. Hef komist að því að Shakespeare sökkar og hefur í raun litað 99% af leikritun heimsins...sem ætti samt að þýða að 99% ef leikritum heimsins sökki...en þau gera það náttúrulega ekki...og ekki heldur verkin hans Sjeika...bara hlutur kvenna...

Er að fara að hitta eina stelpu á sunnudaginn og sýna henni hvað ég er komin með og spyrja hana allra heimskulegra spurninganna sem mig vantar svör við...stresshress! Er að pæla í að kannski gera það fyrir framan einhvern sem ég þekki þá á morgun eða eitthvað...! Og ef einhver vill sjá má hann alveg láta mig bara vita ;o)

Og svo er það spurningin um atriði eða gjörning...er komin með eina hugmynd en vantar þá hjálp frá einni manneskju sem er bara mest bissí manneskja sem ég þekki þannig ég er ekkert svakalega bjartsýn á það, en það væri bara gebbað!

Ætla að tékka á sýningum hjá F&F á laugardaginn til að fá kannski smá inspírasjón...

Svo er Fanney systir farin norður í hálft ár allavega...það er pínu leiðinlegt en ég öfunda hana líka smá...merkilegt hvað það er erfitt að slíta sig frá fjölskyldunni sinni...!

Vá ég er vælukjói í dag!

Lofa að vera það ekki á morgun...og ég lofa líka bloggi á morgun (eða í nótt) því þá er eitt ár síðan ég flutti inn á þetta bloggheimili!

Munnræpa í tilefni andvöku minnar

2008-02-20T05:09:00.002Z

Baaaa....andvaka...!

Reyni að sofna og er víðáttuþreytt en um leið og ég loka augunum hlaðast upp hugsanir á ógnarhraða og ég næ bara ekki að vinna úr þeim öllum og þá fylla þar hraðar og hraðar upp í plássið þangað til að allt springur!

Nei, það er nú kannski ekki svo drastískt en engu að síður erfitt...er líka komin aftur með svakalega vöðvabólgu í axlirnar...

...og ég er búin að hugsa til enda hvað gæti orsakað þetta allt saman og hef komist að niðurstöðu:

Þetta er út af því ég er með ónýtan kodda. Hann er einfaldlega orðin ofnotaður. Byrjaði að nota hann aftur fyrir nokkrum nóttum því ég var orðin leið á að sofa alltaf á púða, en viti menn púðinn er bara betri!

Stefni á að finna mér alvöru rúm (ekki sófa dulbúin sem rúm) alminnilegan kodda og nýja sæng!

Stefni líka á að finna vinnu sem getur verið sveigjanleg án þess að yfirmenn og samstarfsfólk verði fúlt. Er samt ekki að fara að hætta á Næsta...vantar bara smá meiri vinnu svona fyrst maður er að fara að leigja og búa sjálfur og svona. Það er bara erfiðast í heimi að finna vinnu þegar maður veit hvernig næsta vika lítur út með vikufyrirvara.

Er farin að hafa áhyggjur af búningadæminu fyrir Hugleik. Dreymdi reyndar seinustu nótt lausnir á öllu og bara gebbaða hugmynd fyrir verkið. Því miður man ég ekki mikið af því núna. Man bara eftir einni hugmynd en ekki fyrir hvaða karakter það var.

Og er að fá hjartaáfall yfir því hvað er stutt í inntökuprófin....BRAAAAA!

Mætti galvösk á Óperustúdíóæfingu í kveld og kunni flestalla kórana...en það vantaði fólk í mezzoinn en þar sem sópranar byrja oftast að kipra saman varirnar og, einhverra hluta vegna, klemma saman lærin þegar þær eru beðnar um að syngja fyrir neðan G þá ákvað ég að skella mér í neðri rödd, eins og svo oft áður, enda þykir mér alveg óendanlega gaman að leika mér með neðra sviðið. En það þýðir að ég þurfti að læra alla kórana upp á nýtt, en þá kann ég þá bara í báðum röddum. Þýðir þá kannski líka að ég mun ekki njóta mín eins vel í þessu eða fá eitthvað mikilvægt út úr þessu raddlega séð. Oh well!

Núna er ég bara byrjuð að blaðra og blaðra.

Þegar ég var lítil náði ég að láta frænda minn borða lambaspörð með því að ljúga því að honum að þetta væru risa-krækiber. Fékk samviskubit eftir á en þetta fær mig samt til að brosa í dag. Samt ekki fallega gert.

Ég bjó líka til leikhús í kjallara vinkonu minnar sem bjó við hliðina á mér. Svo æfðum við upp leikrit, þar á meðal eitt sem mig dreymdi og skrifaði svo niður, og gáfum miða með tombóluvinningum, en við vorum mjög duglegar við að halda tombólur. Vorum með sjoppu, einn væng og læti.

Labbaði ég oft í skólann í hálftíma því ég nennti ekki í strætó.

Lék ég mér í Ráðhúsinu án þess að maður þekkti nokkurn sem ynni þar. Vorum mikið í bílakjallaranum, utan í húsinu og á fyrstu hæðinni, enda erfitt að komast nokkuð annað.

Röltum við systur oft inn á Sólon bara tvær og heilsuðum upp á lið sem við vissum að var oft þar. Vinsælust hjá okkur var Magga Vill...shit hvað við höfum verið leiðinleg börn.

Við settumst líka oft niður í barnadeildinni í Eymundsson í Austurstræti og dunduðum okkur við að lesa og lesa bækur.

Var ég alltaf með festi um hálsinn sem samanstóð af allskonar lyklakippum!!! Var samt bara með 3 lykla á þeim...!

Fór líka á námskeið í 7. bekk þar sem ég lærði að framkalla svarthvítar myndir.

Svaf alveg nokkrum sinnum yfir mig í 2.-4. bekk þó ég þyrfti ekki að mæta fyrr en hálf eitt!

Skemmtilega useless upplýsingar um barnæsku mína í tilefni af andvöku minni. Man samt ekki bestu söguna sem ég ætlaði að segja...það verður bara að hafa það!

En núna SKAL ég sofna því það er söngtími eftir 6 tíma...

Úti í haga...

2008-02-18T19:52:00.002Z

...kenndum við Nes, þar mun ég brátt búa.

Ætla að fara að leigja með henni Særúnu og líst bara vel á það. Fín staðsetning og verður gott að standa aftur á eigin fótum.

Skúbbidí!

Stressfress

2008-02-18T11:24:00.002Z

Svaf mikið í nótt. Það var gott þar sem ég vakti alltof mikið um helgina!

Lenti á óvæntu smá-djammi eftir vinnu á laugardaginn með staffinu. Spiluðum heil ósköp og hlógum endalaust mikið. Mjög hressandi eftir erfiða vinnuhelgi.

Var komin með hjartað í buxurnar þar sem að það leit út fyrir að Óperustúdíóið hefði ákveðið að breyta æfingaplönum en svo var að koma í ljós núna að þetta var vitleysa. Er ógurlega fegin þar sem ég er að verða megasegastressuð út af inntökuprófunum :o/ Bara mánuður í þau kvikindi!

Svo þarf ég að flytja...pínu bögg akkúrat á þessum tímapunkti en líka voða gott. En það þýðir líka að ég þarf að fara að vinna meira og því hefði það verið mjög erfitt ef Óperústúdíóið hefði breyst, en nú lítur allt vel út :o)

Spennandi tímar framundan!

Ósanngjarnt!

2008-02-16T08:26:00.001Z

Ég kem heim eftir bilaða vakt...

...og um leið og ég er komin upp í rúm byrja pípulagningargaurarnir að bora í vegginn!!

Verður "fríhelgin" mín svona?!?!?!

Scrambled eggs

2008-02-15T16:49:00.002Z

Á frí í dag til kl. 22:00 og er því merkisdagur í dag :oD

Hef aðeins afrekað að fara í laaaaangt bað, búa til nokkuð gott salat miðað við hvað var lítið til og taka á móti nokkrum rafmagnsofnum, en það þarf víst að rífa allt ofnasystemið í öllu húsinu upp og skipta um og ég veit ekki hvað og hvað!

Þess vegna var ég skilin eftir ein heima um helgina í hitalausu húsi...I feel loved ;o)

Mér voru að berast fréttir um Varúlf í kveld...long time no seeing! Heyrist samt að þetta sé ný varúlfahjörð!

Er búin með Harry Potter og við tók þá LOTR í lengri útgáfum. Fínt að geta skroppið svona í frí frá raunveruleikanum :o) er reyndar búin að horfa líka á Fight Club í millitíðinni og komst að því að ég hef líklegast aldrei horft á hana alla...hvernig getur maður gleymt svona enda?

Var að ákveða rétt í þessu að fara til Rósu og gefa henni með mér af nautalundinni minni...hún ætlar að preppa salat og sósu með. Gaman að geta gert eitthvað smá þó maður þurfi að vinna. Svo reyndar finnst mér afskaplega gaman í vinnunni minni.

Og er að fatta loksins núna að ég hef ekkert að segja :oÞ

Allir á Næsta bar í kveld!

Hæ og bæ

2008-02-14T17:46:00.002Z

Þá er það búið. Fígaró giftur og skilinn. Takk og bless.

Partýuðumst pínu eftir á í skólanum og var það voða næs. Helsta umræðuefnið var samt afhverju það væru svona margir á lausu í skólanum og afhverju fólk væri ekki að draga sig meira saman innan skólans. Það komu engin svör fram svo ég viti. Þetta er samt soldið merkilegt.

Er soldið þreytt í dag og voða fegin að þetta sé búið en samt með smá söknuði í hjarta...En samt eiginlega meiri tilhlökkun fyrir næsta hausti og næstu uppsetningu.

En næst á dagskrá er það óperustúdíóið. Tækla kórana í því um helgina og mónólóg nr. 3 :o)

Ætla ekki í 7. stigið í vor. Tók þá ákvörðun alveg ein og sjálf. Langar bara að vera betur undir það búin þegar ég fer í það. Svo er margt að gerast í röddinni og öllu systeminu og ég vil að það sé búið að settlast alveg inn þegar ég fer í prófið.

En Sólveig sæta mín er komin í heimsókn.

Seeyall

Þunn?

2008-02-12T19:13:00.000Z

Fígaró tók á, en tókst nokkuð vel. Held að allir hafi sloppið nokkuð skammlaust frá sínu. Svakaleg og skemmtileg upplifun!

Enda er ég alveg búin á því í dag..eins og flestir sem voru í sýningunni. Fáir mættu í Deildina og helmungurinn af þeim sem mættu fóru fyrr úr tímanum til að sofa og mörgum leið eins og þeir væru þunnir, ég meðtalin. Samt á góðan hátt :o)

Er að reyna að endurskipuleggja líf mitt í augnablikinu. Held ég þurfi að sleppa einhverju þetta vorið, held ég að ég þurfi annars að gera erfðaskrá! Held ég sé komin með einn hlut sem ég sleppi og einn sem ég fresta. Þarf að tala við alla aðila sem eru málinu viðkomandi áður en ákvörðun verði tekin, en býst við að mæta miklum skilningi.

Í dag er ég líka búin að vera dugleg þrátt fyrir þunnindin. Er búin að læra einn kórpart í Cosi fan tutte og er að leggja í einn mónólóg núna fljótlega. Hef samt leyft mér smá dýfingar í Facebook og ætla seinna í kveld að velta mér upp úr kvennatímaritum og horfa svo á Harry Potter nr. 5 og er ég þá búin að ná öllum Harry Potter myndunum í röð á stuttum tíma. Einstaklega ánægjulegt :o)

Herbergið hefur hinsvegar fengið að vera í friði...og fær að vera það fram á sunnudag held ég...nema ef Mary Poppins kemur í heimsókn...aldrei að vita!

Á morgun er svo lokasýning á Fígaró. Mæli alveg með að fólk komi og kíki á þetta. Ég verð reyndar ekki með sóló á morgun þannig þið verðið bara að gera ykkur hina að góðu ;o) Nei endilega kíkið!

Hef ekkert gáfulegra að segja

Amen

Brúðkaup

2008-02-11T15:04:00.000Z

Þá er loksins komið að því!

Brúðkaup Fígarós fer fram í kveld kl. 20:00 í Langoltskirkju!

Allir að drífa sig!

Ertu ekki gellan þarna sem fór í júróvisjón?

2008-02-10T05:58:00.000Z

Fór á 11una og þar hélt slatti af fólki að ég væri Ágústa Eva...soldið skondið

Ekki eins skondið að ég fór aðeins seinna heim en ég ætlaði!

Var samt bara nokkuð spök í kveld :o)

Yummie Yummie Yummie

2008-02-09T00:39:00.000Z

Ég er þreytt...alltof þreytt...þetta er búin að vera svakaleg törn! Allar helgar síðan í byrjun janúar og náttúrulega á virkum dögum líka og alltaf 3-5 tímar á dag upp á síðkastið. Enda er þetta að verða búið...og svo er þetta líka búið að vera mjög gaman.

Kvöldið í kvöld náði samt að láta mann slaka aðeins á og hræra upp í orkunni sem er eftir.

Halli og Heiðrún buðu mér í heimsókn þar sem við elduðum saman og horfðum svo á La vie en rose, drukkum smá rauðvín og bitum í nokkra osta og skellti Heiðrún svakalegum gúmmelaði ísrétt í skál. Nú er ég líka alltof södd en mjög ánægð með gott kvöld. Var akkúrat eitthvað svona sem mig langaði að gera :o)

Og núna ligg ég í sófanum hennar Fanneyjar, en hún er fyrir norðan, og er Harry Potter að veita mér félagsskap. Horfði á mynd nr. 1 í gær og núna er nr. 2 í gangi. Hef bara horft á þær einu sinni.

Og svo er æfing með hljómsveitinni á morgun kl. 9:00 sem er í sannleika sagt bara glæpsamleg tímasetning!

Og allir á midi.is að kaupa miða á mánudagssýninguna af Brúðkaupi Fígarós!

Draumar

2008-02-06T16:56:00.000Z

Núna er svona slide-show-screen-saver búinn að vera í gangi í nokkra daga í Samma og ég er búin að sjá HAUG af fötunum mínum sem ég hef ekki hugmynd um hvar eru niðurkomin núna! Giska á að ég hafi gefið þau eða selt þau...en sum þeirra er ég ekkert viss um að ég hafi losað mig við því þau voru og eru í miklu uppáhaldi (er alveg með nokkra kassa úti í bílskúr sem innihalda föt sem eru í uppáhaldi en ónotanleg nú til dags). Sum held ég að ég hafi lánað og langar að fá þau aftur. Veit ekki með flest. En ég sakna þeirra ógurlega (núna þegar búið er að minna mann á þau).

Tónleikarnir í gær tókust ágætlega. Ekkert meira um það að segja.

Fígaró gengur vel. Búningar og props alveg að klárast (bjartsýna Jenný hélt hún væri sloppin þegar hún væri búin að skila öllu af sér, en það má víst alltaf breyta og bæta).

Mig langar að fá svona 5-6 vaktir í mánuði á Næsta. Er samt ekki sú vinsælasta hjá eigandanum eftir að ég gekk út á föstudagsvaktinni minni því það var verið að leyfa reykingar (my own personal protest).

Dreymdi í nótt að Gunnar Björn og Snorri væru að gera nýja kvikmynd. Hún kallaðist Sportópía (voða frumlegt!) og fjallaði um íþróttalið (í frjálsum held ég) á óræðum tíma. Ég fékk að eiga gamlan HSÞ-jakka frá 1970 og svo voru þeir með alla HSÞ-búningana sem við notuðum í Landsmótinu þarna og haug af fleiri gömlum íþróttabúningum. Þetta er það eina sem ég man af draumnum.

Reddaði mér miða á generalinn á La Traviata í kveld. Verður voða forvitnilegt að sjá enda er maður búin að heyra smá af lýsingum á hinu og þessu og ég bara hlakka til að sjá. Svo reynir maður kannski að berjast fyrir miða á sýningu seinna meir. Er það ekki general-reglan? Kannski erfitt að framfylgja henni þegar allar sýningar eru kjaftuppseldar.

Er pínu að pæla í að leggja mig...mamma hélt mér vakandi á snatti til 3 í nótt...þó ég segði henni ótal sinnum að ég þyrfti að vera mætt upp í kirkju kl. 9:00. Ég bara fúnkera ekki ef ég fæ ekki mína 7 tíma!

Snyrti mig og snurfusa

2008-02-04T19:55:00.000Z

Sneri mér í nokkra hringi fyrir klukkutíma síðan og er enn með svima :o/

Æfingar á Brúðkaupinu á fullu og ég er búin að skila flestum búningum af mér- hægt að fá miða á midi.is en ég mæli með að fólk komi á fyrri sýninguna ;o)

Bjó mér til snyrtiborð um helgina. Setti fallegan antik-spegil á fallega litla skrifborðið mitt og nú er þetta hið fínasta snyrtiborð. Alltaf gaman að hafa fallega, stelpulega hluti inni í herberginu sínu :o) Hressir, bætir og kætir! Núna sest ég á hverju kvöldi og hverjum morgni fyrir framan snyrtiborðið og snurfusa mig. Góð byrjun og góður endir á deginum :o)

Fór á Sweeney Todd í gær með Fanney og Helga og fannst hún flott. Finnst svo gaman að Tim Burton, Frank Miller og Peter Jackson því myndirnar þeirra eru svo flottar fyrir augað!

Minnir að ég sé ekki búin að sjá neitt í leikhúsi síðan um jólin en er að fara að bæta úr því...fljótlega...erfitt að vera fátæk námsmær! Verð samt að kíkka á Útsýni fljótlega og mæli með að sem flestir geri slíkt hið sama - hugleikur.is

Hah! Nú var ég að plata fór á Fool for love um daginn...held meira að segja að ég hafi verið búin að tjá mig eitthvað um það hérna...jú er það ekki?

Langar að læra að spila á mandólín!

Nostalgía

2008-02-03T21:38:00.000Z

Er búin að vera að sauma, laga og lita í allan dag. Bara ein svunta eftir og vestið er í litun. Á reyndar eftir að lita feldinn fjólubláan en það verður pínu maus þannig það verður bara gert á morgun.

Bakið er reyndar að verða búið eftir þessa törn. Held ég neyðist bara til að panta mér nuddtíma ;o)

Er með gömu tölvuna, a.k.a. Samuel Gaylord, í gangi því í honum er öll góða tónlistin mín (þökk sé Bóbó :o) ) og ég ákvað að setja My-pictures-screensaver í gang og er því búin að vera að sjá skot úr fortíðinni líða hjá á meðan ég sauma. Og núna skil ég loksins fólk sem talar um að framhaldsskóla árin séu þau skemmtilegustu. Hef hingað til viljað halda því fram að ég sé að upplifa mín skemmtilegustu ár núna eeeeen nei. Það sem framhaldsskólaárin hafa fram yfir þessi ár er einfaldleikinn. Lífið var frekar auðvelt þá. Enginn ætlaðist til neins af manni nema bara að ná prófum, það eina sem tilvonandi kærasti þurfti til að bera var að vera sætur, maður fékk matinn tilbúin nokkrum sinnum á dag, þurfti ekki að pæla í neinum reikningum eða skuldum, og þó svo maður kæmist kannski ekki inn á staði þá bara djammaði maður samt (og oft voru það skemmtilegri djömm en þegar maður er inni á einhverjum stöðum).

Tæknilega séð gæti ég verið að lifa eins lífi núna, það bara passar ekki. Maður er komin af stað að móta framtíðina sína enn frekar og því fylgir ábyrgð og skuldbindingar. En mikið væri ég til í að geta hoppað aðeins til baka og upplifað þetta aftur.

Svo er ég líka búin að sjá andlitum bregða fyrir á myndunum af fólki sem ég hef misst sambandið við og uppgötvaði að ég sakna margra þeirra þó nokkuð, og sé eftir sumum.

Af hverju er maður á réttum stað á röngum tíma?

Glitský og norðurljós

2008-02-01T22:42:00.001Z

Glitský í morgun

Norðurljós í kveld

Maður fyrirgefur kuldanum þegar maður sér svona skemmtilega hluti.

Svo mætir maður í vinnuna og þá á að marinera mann í sígarettureyk!!!!!

Nei takk sagði ég og fór heim.

Hefði nú í það minnsta verið hægt að tékka hvort maður sætti sig við breytt starfsumhverfi!

Þá hefðu þau allavega vitað það með meiri fyrirvara að ég gerði það ekki.

Lífið er fullt af óvæntum uppákomum.

Á harða spretti

2008-02-01T19:04:00.000Z

Langar svo að kúra mig undir sæng, kveikja á kertum og góðri tónlist og leggjast í kvöldlangan dvala.

En vinnan kallar og matur hjá Arnrúnu systur og ef ekki það þá búningafiff og -framleiðsla.

Voða geta endasprettir verið gefandi...en erfiðir!

Good day

2008-01-30T18:49:00.000Z

Dagurinn byrjaði ekki vel. Svaf yfir mig!

En svo rættist bara úr honum með hverri mínútunni!

Fín æfing, fínt hangs í nemendaherberginu og svo fékk kauppúkinn í mér ærlega útrás þar sem ég eyddi restinni af deginum í að rölta laugaveginn og nágrenni í leit að allskonar búnigakyns dóti! Fór inn í allar uppáhaldsbúðirnar og allt!

Fann reyndar pels sem mig langar í, en ég er mjög pikkí á pelsa og sá seinast pels sem mig langaði í í London febrúar 2006. Þetta gerist því ekki á hverjum degi. Bögg!

Það er drullukalt í dag. Kannski þess vegna sem mig langaði allt í einu í pels.

Hitti Elfu á miðjum Laugaveginum og kláraði hún rúntinn með mér sem var vel þegið því ég var orðin ansi frústreruð þegar ég hitti hana.

Og eins og svo oft áður þá var mest að finna í Hjálpræðishernum! Meira að segja dökkgræn garðyrkjusvunta!

Og næst er það matur hjá Kolla og Þóru og svo Hraun á Organ :o)

Þreytudagur

2008-01-29T13:42:00.000Z

Ég er úrvinda í dag!

Las svo eina af stjörnuspánnum mínum (já ég les alltaf nokkrar og vel svo síðan þá sem mér finnst best ;oÞ) og hún sagði mér að ég væri þreytt í dag, og að reyndar væri þetta erfiður dagur fyrir alla, en ég þyrfti ekkert að kippa mér upp við það því þetta yrði bara þessi eini dagur og allir þyrftu jú einhvern tíman að hlaða batteríin.

Hresstist merkilega mikið í skapinu við þessa lesningu, en er enn þreytt...og er að pæla í að njóta þess bara smá.

Ætla að heimsækja hinn unaðslega heim kvikmyndanna í DVD-formi!!!

...eða kannski taka öll fötin mín út úr skápnum og fara yfir þau og uppgötva hvað ég á mikið af fötum svo kauppúkinn í mér róist ;o)

Hamm amm namm?

2008-01-28T18:04:00.001Z

Sólveig hún á afmæli, hún er 23 ára í dag, til hamingju með afmælið, til hamingju, til hamingju með afmælið, til hamingju!

Og erum við búnar að vera að bardúsa helling saman í dag í tilefni af því :o) Góður dagur í alla staði!

Byrjaði á æfingu á Brúðkaupinu bara í næstu götu, en við erum byrjuð að æfa í Langholtskirkju. Píanóið er staðsett fyrir aftan okkur á sviðinu eins og er gjörsamlega ómögulegt að heyra í því um leið og maður er sjálfur að syngja sem gerði það að verkum að við gátum ómögulega verið jöfn píanóinu heilt lag! Svo er allt að gerast í þessum búningamálum en síminn stoppaði varla á sunnudaginn. Allir að hringja og tékka á hinu og þessu.

Svo er það bara Næsti í 3 tíma í kveld. Aron þarf að skreppa á æfingu þannig ég hoppa bara aðeina þarna inn á meðan. Það er fínt því ég þarf alveg smá aukapening!

Svo verð ég að reyna að gera eitthvað í þessum sumarfiðring sem er í mér. Er alveg að fara yfirum! Næ ekki að njóta vetursins ef ég er með sumar á heilanum!

Bara Hjálmar í græjurnar og sóllampa í plönturnar!

Dúbbídúbbídúbbí

2008-01-27T15:46:00.000Z

Í dag er veðrið í stíl við líðanina...eða allavega eins og það er í Reykjavík.

Ætla samt ekki að standa í einhverju volæðiskjaftæði...það er bara alltof leiðinlegt!

Það var kíkt út á lífið í gær með Rósu...var nokkuð skemmtilegt framan af...svo fauk eitthvað í mig og þá kom ekki annað í mál en að sturta í sig...er merkilega hress samt sem áður!

Lítur svo allt út fyrir að rólegheitatímabil sé að fara að hefjast þar sem maður verður að vera hress hverja helgi fram í miðjan apríl :o)

Á morgun byrjum við að æfa Brúðkaupið í Langholtskirkju. Það verður gaman að fara að æfa það á sýningarstaðnum og laga það að því. Svo verð ég að fara að hreinsa þessa kórtexta hjá mér! Svo held ég að við Barbarinur fáum að vita á morgun hverjar fá að syngja sóló...!

Jájá...

Fréttaskot

2008-01-24T17:25:00.000Z

Og sólin heldur áfram að skína í mínum eigins heimi...verst hvað þessi snjór er alltaf að þvælast fyrir á bílnum mínum!

Held að það sé það eina sem ég þoli ekki við veturinn - AÐ SKAFA AF BÍLNUM!

Finnst fínt að hafa kalt, hálku, snjó, éljagang (og uppgötva nú að ég hef aldrei skrifað þetta orð, er það skrifað svona?), snjóstorm og læti, bara ef snjórinn vildi gjöra svo vel og sleppa því að fara á bílinn minn. Nei, reyndar er mér sama þó ég þurfi að sópa af bílnum, þoli bara ekki að SKAFA hann!

Fanney systir að fara í fyrsta inntökuprófið úti um helgina...er að verða stressuð fyrir hennar hönd. Finnst nógu stressandi að vera að fara í mars og bara hérna heima!

Brúðkaupið gengur vel og verður rennt yfir allt heila klabbið á morgun. Ekki er samt enn orðið ljóst hvaða Barbarinur fá lengra sóló eða á hvaða sýningu.

Er svo að fara á fyrstu æfinguna á 39 1/2 vika á eftir hjá Hugleik. Þar er maður víst búin að koma sér í stöðu búningaumsjónarmanns. Það verður gaman :o)

Og er búin að finna búninginn á Barbarinu en á eftir að gera slatta af blómum, setja blátt á jakka Cherubinos, fjólublátt á hatt Marcellinu og örugglega eitthvað fleira. Frumsýningu var líka frestað um viku því hljóðfæraleikararnir gátu ekki spilað með okkur á hinum dagsetningunum, en það er eiginlega bara alveg ágætt. Getum vel nýtt þá viku.

Mig langar á Þorrablót.

Skúbbidí!

2008-01-21T23:24:00.000Z

Mig langar í útilegu, berjamó, labba upp á heiði, keyra út í buskann, bjartar nætur, mývarga, lækjanið, fuglasöng, þurrt gras, sóleyjar og fífla, áhyggjuleysi, sól, dögg á grasi, grillaðan mat, gítarglamr...mmmm

Held að næsta sumar verði gott :o)

Ég veit ég er kannski klikkuð að vera farin að hugsa um sumarið núna en það er næst á dagskránni þar sem þessi önn er eiginlega fullbókuð fram í maí!

Svona á lífið að vera :o)

Hver er memm í útilegu í sumar?

Eyru

2008-01-19T06:30:00.000Z

Ég hef komist að því að ég myndi líta betur út með engin eyru...

...any tips?

Rolling Stone

2008-01-17T23:50:00.000Z

Svona er maður nú töff!

Jejejejejejeje!!!!

;o)

Losun

2008-01-17T19:21:00.000Z

Urr...mjá...voff!

Og takk fyrir það!

Vildi óskaóskaóska að það væri kominn svona 12. maí og allt væri komið á hreint og allt hefði fengið jákvæðustu niðurstöðu! Og að ég væri búin að vinna í lottói eða eitthvað álíka!

Þetta var góður dagur og allir dagar eru búnir að vera góðir...en svo fyrir svona hálftíma varð ég ill í skapinu! Er að reyna að láta það líða út úr mér núna...svona beint upp úr hausnum...!

Er búin að vera í svo góðu jafnvægi, glöð og hamingjusöm og orkumikil núna seinustu daga og ég bara neita að leyfa því að breytast!

Shit hvað mig er samt farið að langa til að taka þátt í leikriti! Verð samt að láta mér nægja þessar tvær óperur sem ég er í...og að hanna búninga...og að skipuleggja sumarið hjá Sýnum...! Það er reyndar líka voða gaman!

Finn ekki helvítis kórnóturnar mínar!!! Og ég sem ætlaði að byrja að mæta á kóræfingar aftur!! Held að ég neyðist til að hvolfa herberginu mínu í leit að þeim og taka svo vel til á eftir...

Hef annars voða lítið að segja...

Kryddpíurnar

2008-01-15T17:37:00.000Z

Þær stóðu fyrir sínu. Mikið show og mjög absúrd lífsreynsla. Maður var komin 10 ár aftur í tíman, gróf upp gelgjuna í sér en var samt stödd á árinu 2008. Þetta kitlaði tárakirtlana aðeins því ég ímyndaði mér að ég væri aftur orðin 13 ára. Þá var þetta minn helsti draumur! Og þarna var ég! Sé sko alls ekki eftir þessu og er eiginlega enn að átta mig á þessu öllu saman! Læt hérna nokkrar myndir fylgja með sem maður náði af þeim stöllum.

Allt ætlaði um koll að keyra þegar þær tóku Wannabe!

Jájá, ein mynd af mér líka ;o) Ég fyrir utan Höllina með auglýsingarnar á bakvið!

Hérna má sjá nýja versjón af Breska-fánakjólnum sem er orðinn klassískur!

Það var skipt um föt á sviðinu og læti!

Við systur að bíða spenntar eftir því að sjóvið byrji!

Það er búið að taka agalegan tíma að koma þessu inn og tölvan mín vill ekki koma öllum myndunum fyrir á netinu...allavega ekki í dag. Þannig ég nenni ekki mikið lengur að vera í tölvunni.

Annað sem er að frétta er:
Ég er að fara að sjá um búninga í Brúðkaupi Fígarós hjá Söngskólanum, en þar syng ég líka hlutverk Barbarinu eins og svo oft hefur komið fram.
Er líka að fara að sjá um búninga í 39 og 1/2 vika hjá Hugleik en gaf ekki kost á mér í leik þar því ég mun bara verða og bissí til þess.
Er að verða búin að læra öll lög sem ég ætla að hafa á 7. stigs lista og það er nýtt því oftast hafa verið svona 2-3 lög á lista hjá mér sem ég bara kann ekki!
Er svo byrjuð að undirbúa lög fyrir nemendatónleika sem verða 5. febrúar.
Er glöð og ánægð og jafnvel farin að finna fyrir hamingjunni minni aftur :o)

Spice up your life!

Þrítugir og þvottur

2008-01-10T18:31:00.000Z

Doddi vinur minn jók brosprósentur vikunnar um helming þegar hann sagði mér frá því hvað kom fyrir hann í dag.

Doddi er þrítugur, tveggja barna faðir sem býr með sambýliskonu sinni í úthverfi í Reykjavík. Hann hefur góða menntun og góða stöðu í vinnunni sinni. Hann ákveður að sanna fyrir konunni sinni að hann geti þvegið þvott og það sé voða auðvelt. Hann skellir í vél og þurrkara. Þegar þvotturinn er síðan tekinn út kemur í ljós að margt hefur minnkað og annað er orðið bleikt, helmingurinn ný föt konunnar.

Hvernig getur maður verið þrítugur, kominn þetta langt í lífinu en ekki þvegið þvott án þess að gera svona heimskuleg mistök?

Doddi horfðir þú aldrei á Friends? Bendi þér á að tékka á fyrstu seríunni ;o)

Dugnaður og leti

2008-01-08T21:36:00.000Z

Í dag er ég búin að vera rosalega dugleg og líka frekar löt. Mætti í skólann á réttum tíma klukkan 9:00 í morgun á æfingu á Finale í 4. þætti í Brúðkaupinu. Æfði mig svo ein á þeim parti þannig ég held að hann ætti að vera komin á hreint núna. Heima fann ég síðan allskonar dót sem tengist þessum 4 lögum sem ég á eftir að læra alminnilega af þessum 20 sem ég þarf að hafa fyrir 7. stigs prófið, þannig ég er komin langt með þau, auk þess sem ég tók tvö af þeim og fór vel yfir laglínuna.

Þá var klukkan orðin 4 og ég ákvað að leyfa mér að hvíla mig smá og tók smá House syrpu, fyrst maður er komin með 3. seríu í hendurnar ;o) Náði að halda mér vakandi í gegnum fyrstu tvo þættina en steinsofnaði yfir þeim þriðja! Svaf í tvo tíma sem er ekki nógu gott því ég er að reyna að berjast á móti þessum svefnsjúkdómi sem allt í einu herjaði á okkur systur. Sé til hvernig fer með að sofna í kveld!

Svo er ég búin að kynna mér slatta vel kórpartana í Brúðkaupinu en á morgun er einmitt kóræfing í því dæmi.

Þannig ég er búin að vera aðeins meira dugleg en löt ;o)

Svo líður mér líka skringlega...Nenni innilega ekki að gera neitt en geri það bara samt og meira til! Mjög skrítið! Er líka að finna fyrir því aftur, frá því snemma í haust, að ég sé að fá eitthvað út úr því að vera dugleg...ekki jafn mikið og áður fyrr, en samt eitthvað.

Er til eitthvað sem heitir Workaholic Anonymous? Það er nefnilega alveg jafn alverlegt að vera vinnufíkill eins og hvers konar annar fíkill. Held samt að það sé ekki litið þannig á það. Eða hvað?

Langar rosalega mikið þessa dagana að verða aftur vinnualki! It's my weakness! Og það er nokkuð góð leið að fara til að þurfa ekki að takast á við lífið því flestum finnst maður bara rosa duglegur og allir voða stoltir af manni...annað en ef maður væri alkóhólisti, dópisti, kynlífsfíkill, matarfíkill eða eitthvað þannig...en ég ætla ekki að leyfa mér það...nema bara upp að vissu marki...eða hvað?

Er farin að leita að Pollýönnu!

Frí

2008-01-06T22:07:00.000Z

Jæja, þá er fríið loksins að klárast.

Ég hef komist að því að ég er ekkert rosa hrifin af fríum. Það virðist ekkert ganga upp í þeim. Eða kannski er það bara ég :o)

Þetta var samt fínasta jólafrí og það gerðist svo margt að mér líður eins og þetta hafi verið miklu lengur, jafnvel hálft ár.

Og núna byrjar aftur hin daglega rútína og fríið verður eftir í minningunni eins og draumur. Maður hugsar tilbaka og spyr sjálfan sig hvort þetta hafi virkilega verið raunveruleiki.

Og dagleg rútína, jibbí! Elska daglega rútínu jafn mikið og ég hata hana. Hún er nú það sem heldur mér gangandi. Skipulag og skipulag. Elska skipulag og elska að þurfa að beita mig aga til að halda því. En ég hata það líka.

Held það fari bara eftir því hvaða persóna er ríkjandi í mér þá stundina.

Margt og mikið skeð sem mig langar til að segja frá og margt sem ég hef séð, en ég bara nenni því ekki. Þetta er vandamálið við það þegar maður lætur bloggin sín snúast um það sem maður er að hugsa frekar en það sem maður er að gera :o)

Kannski stikla á stóru? Já, ætli það ekki bara:

Brúðkaup í gær á stjúpsystur minni. Það var svo fallegt og algerlega fullkomið. Var í fyrsta sinn gellan sem var að fara að grenja því þetta var svo fallegt. Þau eru líka bara eitt fallegasta par, á allan hátt, sem ég hef þekkt.
Sá Ökutíma á Ak. og var bara nokkuð sátt. Skil samt ekki alveg hræðsluna við að sýna atriðin sem hefðu átt að sjokka soldið, held það hefði hjálpað til að fá sjokkin. En fín sýning og get alveg mælt með henni.
Sá Jólasveininn líka á Ak. Stórkostlegur karakter en hefði kannski mátt vera þéttari. Góð fjölskylduskemmtun þar á ferð.
Náði ekki að sjá Íslandsklukkuna aftur þar sem ég eyddi þremur dögum á Ak. milli jóla og nýárs.
Átti fínasta Gamlárskveld þar sem ég, mamma og Gulli snæddum nautalundir á náttfötunum. Kíkti svo í þrjú mjög ólík partý og hitti ólíklegasta fólk, t.d. besta vin minn frá því ég var 3-6 ára eða svo.
Brainstormaði með Helga Rafni
Eignaðist nýja vini

Held að það hafi nú ekki verið fleira :o)

Ætla núna að halda áfram að skipuleggja mig og lesa handrit og svona.

Túrílú!

Sambandsfælni

2008-01-04T01:00:00.000Z

Það eru bara næstum allir haldnir sambandsfælni!

Afsakanir, afsakanir...

Hvernig væri þá að fara að vinna eitthvað í því?

Hvað er það versta sem gæti komið fyrir? Hamingjan?

Brjálaða veður!

2007-12-30T18:23:00.000Z

Það er bara brjálað veður! Nema á Laugum. Hérna er bara smá vindur í gangi. Það ríkir nefnilega svo mikil veðursæld hérna, jájá. Man einhvern tíman þegar ég var í Litlu-Laugaskóla þá var öllum skólum í sveitunum í kring aflýst vegna veðurs em hérna á Laugum var blankalogn og skólastarf hélst óbreytt.

Ég ætlaði nú samt að vera komin suður núna. Skiptir samt litlu hvort ég fari í dag eða á morgun. Flugið mitt er í athugun kl. 6:45 í fyrramálið. Það finnst mér reyndar svakalegur tími. Þýðir að ég þarf að leggja af stað héðan upp úr 5 (ef við miðum við að vera komin hálftíma fyrir fyrirhugaðan brottfarartíma).

Það er hinsvegar soldið eins og hvirfilbylur geysi hérna á heimilinu, enda erum við núna búin að vera 7 manna fjölskylda í 3 daga. Mikið stuð í gangi ;o)

Og af því ég er föst hérna næ ég að fá buffalo wings a la pabbi í kveldmat :oÞ Það er alveg hrottalega gott!

Ætti kannski líka að pakka í kveld :o)

Von + hræðsla = lífið

2007-12-30T05:23:00.000Z

Ég er hrædd núna. Nokkrir hlutir í gangi sem hræða mig. Finnst það pínu óþægilegt, en sumt af því er líka mjög spennandi og skemmtilegt. Veit að það á allt eftir að fara vel. Þetta er bara lífið að minna aðeins á sig. Það fer allt á besta veg. Ég bara veit það. Ég vona það!

Ég nenni ekki neinu núna. Nenni ekki að vera í fríi. Nenni ekki að byrja aftur í skólanum. Nenni ekki að undirbúa mig undir inntökupróf. Mun samt gera þetta allt. Ég geri lang oftast allt sem ég þarf að gera...nema stundum.

Það er margt sem mig langar núna. Sumt af því er það sem er að hræða mig. Sumu af því nenni ég ekki þó mig langi. Það er líka skrítið að vera farin eða vera á leiðinni að gera það sem MIG langar að gera. Það hefur vantað það í suma hluta af lífi mínu hingað til.

Er svo mikið að passa mig við að raða öllum púslunum rétt núna. Kannski að passa mig of mikið? Ég er bara svo voðalega forvitin að sjá hver heildarmyndin verður því kassinn með myndinni utan á er týndur. Ég verð því bara að ímynda mér hvernig púslið lítur út í raun og veru. Þetta er allavega litrík mynd.

Það er skrítið að upplifa svona sterka von og mikla hræðslu bæði í einu. Það er eins og það sé rafmögnuð kúla í sálinni sem sendir við og við strauma út í allar æðar líkamans. Best er þó þegar vonin vinnur því þá skjótast milljón volt út í alla útlimi líkamans og út um fingur, tær og hnakka og skjóta manni upp í loftið og maður hringsnýst á ógnarhraða út um allt þangað til maður svífur létt til jarðar sem tekur manni opnum örmum og maður lendir í mjúkum faðmi hennar.

Skemmtilegt hvað þetta á við ALLT! - ást, markmið, vinnu, kynlíf, vináttu, fjölskyldu, mat, skwmmtun og margt fleira. Í öllu þessu leitumst við eftir því að fá vissa fullnægju.

Og þetta er í allavega annað sinn í þessum mánuði sem ég lendi í einhverri væminni hunangsleðju...er að verða svo væmin...er ekki búin að ákveða hvort mér líki við það eða ekki...

Og nýtt mer sett í fjölda blogga í einum mánuði! Skúbbidí!

Er farin að sofa og/eða bíða eftir því að síminn gefi frá sér hljóð!

Gleðileg Jólin!!!!

2007-12-25T18:28:00.000Z

Góð jól og allt það en áður en ég fer í allt það dæmi verð ég að segja eina sögu meðan ég man eftir því:

Ég var bara rétt í þessu að koma af Facebook og þar rak ég augun í soldið á news-feedinu:

Helga Ragnarsdóttir Compared friends.
In her network, people have voted Jenný, Hanna, Jóna, and Zoe as best mother (potential).

WTF!! Fékk nett hjartaáfall! Voða fínt að fólk hafi trú á manni og allt það en visst sjokk sem fylgir þessu sérstaklega þegar maður er svona óralangt frá því að einu sinni hugsa um þetta!

Komst reyndar að því í gær þegar ég var að tala við Völu vinkonu í síman að ég ætti mögulega aldrei eftir að upplifa jól án barna. Yngsti bróðir minn er eins árs og jólagleðin verður örugglega gífurleg næstu 10 árin amk hjá honum og mun ég líkast til eyða jólunum alltaf með þeirri fjölskyldu minni...og eftir 10 ár er alveg líklegt að maður verði kominn með einn krakkalakka.................................!

Alltof mikið af börnum í þessu bloggi en ég ætlaði að skrifa meira um jólin en það verður bara að koma seinna því við erum að fara að tína til afgangana góðu á borðið :o)

Og allir í náttfötum frá Joe Boxer ;o)

Gusgus ekki að halda sér!

2007-12-23T04:57:00.000Z

Fór í Sjallan á Gusgus í kveld...borgaði fucking 2500 kr. fyrir sem er rán en maður sætti sig við það hérna á norðurhjara veraldar! Það hefði svosem verið í lagi ef þau hefðu drullast til að spila eitthvað!!!!

Kvikindin mættu ekki á svið fyrr en rétt fyrir 3 og við erum að tala um að það er bara opið til 4¨!!!!! Enda hættu þau að spila 10 mín. í 4¨!!!!!! Þetta er ekkert nema glæpastarfsemi og hananú!

Hefði átt að fara á Túpílakana á Húsavík!!!

En ég hitti þó Guffu og Fanney vinkonu...!

Og mikið ósköp fer maður að finna á sér við að vera í bíl í hálftíma!!

Vildi óska að nokkrar manneskjur hefðu verið hérna í kveld...

Og mikið er fólk hérna fyrir norðan lágvaxið....og slatti af vitleysingum!

Gaman að þessu...hef ekki hlegið svona mikið lengi

og hvað er málið með Sjallann?

En það verður náttúrulega að taka með í reikninginn að það er 18 ára þarna inn...enda voða mikið af krökkum þarna...mér leið eiginlega eins og ég væri bara gömul bytta...eða næstum því....allavega gömul...skrítið

enda byrjaði ég að djamma á Sjallanum þegar ég var 15 ára gömul....það er bara glæpur! Hef það mér til varnar að ég var ekki byrjuð að drekka þá...en skýrir kannski út margt sem ég varð vitni að í kveld.

Góða nótt!

Frekar langt blogg sem er mikill vellingur!

2007-12-22T05:16:00.000Z

Það er skrítið að vera hérna á Laugum aftur í meira en nokkra daga. Hef bara haft tíma til að kíkja í mesta lagi 5 daga seinustu árin og var búin að gleyma hvað það er ekkert að gera hérna. Núna er líka enn minna að gera hérna því það er ekkert Laugasel/Laugabær og flestir vinir mínir sem bjuggu í nágrenninu eru fyrir sunnan eða í útlöndum...eða bara einhversstaðar annars staðar á landinu.

Hlakkaði til að koma hingað og bara vera að lesa og kannski klára að læra lög og texta fyrir 7. stigið en ég er svo fáranlega eirðarlaus að ég hef ekki upplifað annað eins í háa herrans!

Það er heimskulegt að vera eirðarlaus...Það er heimskulegt að vera vakandi klukkan 20 mín. yfir 5 um nótt...það er heimskulegt að vera eirðarlaus og vakandi kl. 20 mín. yfir 5 um nótt.

Þannig ég ætla að bulla aðeins á blogginu mínu til að stytta mér stundir.

Er búin að liggja uppi í rúmi síðan á miðnætti og skoða flestallar íslensku hljómsveitirnar á myspace sem mig langaði að tékka á. Fann margt gott og annað ekki eins gott. Fannst VilHelm eiginlega bestur. Elska teateríska og karnivalíska tregafulla tónlist. Svo uppgötvaði ég líka Klassart fyrir alvöru. Þau ödduðu mér fyrir löngu síðan en ég hafði ekki tíma til að tékka alminnilega á þeim. En svo urðu þau á vissan hátt á vegi mínum aftur nýlega og ég ákvað að sjá hvernig þetta væri og finnst þau bara mega góð. Eru allavega ekki að gera bara eins og allir aðrir.

Fann það einmitt út á þessum rúnti mínum að sumar nýjar hljómsveitir eru eiginlega bara að apa eftir eldri hljómsveitum. Alveg fínt stöff en það er bara visst mikið af þessu væli sem maður þolir. Já þetta var flest allt í vælugeiranum...samt ekki strákabandavælageiranum...LÖÖÖÖÖÖÖÖÖÖÖÖÖÖÖÖÖÖNGU komið nóg af því!

Athugaði líka hljómsveit sem heitir Rökkurró og það er rosa sæt sveit. Finnst gaman að þau syngi á íslensku og það passar merkilegt nokk vel við lögin. Oft passar íslenska ekki við lög (nefni Hara-systurnar sem dæmi) en hún sómir sér vel í þessum lögum.

MSN er erfið leið til að tjá sig...og SMS líka. Ég hrúga alltaf inn brosköllum, upphrópunum og punktum svo fólk nái tóninum í því sem ég er að rita en það kemst ekki alltaf til skila...svo skilur fólk líka þessi merki og kalla á mismunandi vegu. Er að reyna að venja mig á að hringja frekar en að senda SMS, en ég er forfallinn essemmessari...og emmessennari ef út í það er farið. Svo hentugt því maður truflar fólk eiginlega ekkert með því að senda því skilaboð og svo er alltaf hægt að taka sinn tíma í að svara...en það er eini ókosturinn við að tala í síma eða face to face...fólk bara fríkar út ef það koma þagnir!

Sjálfri finnst mér þögn ekkert svo erfið...eiginlega bara notalegt að þegja soldið inn á milli. Hún getur náttúrulega verið erfið á vitlausum augnablikum...en að þegja svona inn á milli umræðuefna er bara fínt. Hitt stressar mig of mikið....hugsa bara "shit þetta umræðuefni er að verða uppurið!! Hvað í fjandanum er hægt að tala um þá???"

Ég þegi líka alltaf ef ég er að kynnast fólki í hóp. Ef einhver talar samt við mig one-on-one þá er þetta ekkert vandamál! En ef ég er innan um hóp af fólki sem ég þekki misvel þá kýs ég að þegja en fylgist þeim mun betur með!

Komst að því í kveld að ég er orðin Starari. Við Fanney vorum að snæða á Búllunni á Ak. og þar er fjölskylda greinilega búin að mæla sér mót. Þegar meirihlutinn af fjölskyldunni kemur inn fara þau beint að manninum sem var einn að bíða eftir þeim og hrúgast öll utan um hann. Það var svo mikill kærleikur fólginn í þessu að ég hélt áfram að fylgjast með þeim. Það var svo gaman. Og þegar Fanney sagði "You're staring!" þá fór ég að hugsa út í þetta og komst að því að ég er farin að gera mikið af því að fylgjast mislaumulega með fólki...Kenni einmanalegum kaffihúsabiðum alfarið um þetta.

Og ég sem hef aldrei þolað hvað fólk starir á annað fólk!

Þessa dagana er ég svefnlaus, eirðarlaus, hamingjusöm og skíthrædd! Ein tilfinning kom fyrst og leiddi af sér aðra tilfinningu sem leiddi svo af sér þá þriðju sem leiddi af sér eina tilfinningu í viðbót...er ekki viss um hver af þeim kom fyrst. Verður maður hamingjusamur af svefnleysi og svo skíthræddur við það sem endar í eirðarleysi? Eða verður maður eirðarlaus af hamingju sem leiðir af sér ótta sem er fylgt fast á eftir með svefnleysi? Stundum er ein tilfinning ráðandi en svo hellast þær stundum allar yfir mig í einu eins og foss. Tilfinningastríð eru stórskemmtileg, maður lærir svo margt :o)

Lék mér við Benna bróður heillengi hjá ömmu í dag. Höfum aldrei leikið okkur svona mikið saman. Fórum út og allt. Það var ótrúlega gaman og helst hefði ég bara viljað skrópa í leikhúsið og halda áfram að leika við hann :o) En ég fór heim að skipta um föt og undirstrika andlitsfallið og þar var Þói sprækur og var allt í einu til í að leika við mig þó að pabbi væri heima, en hann er mikill pabba-og mömmustrákur og vill hvergi annars staðar vera en í fanginu á þeim ef þau eru nálægt. En nei nú var hann til í að leika sér! Þannig það tók aðeins lengri tíma að taka mig til :o) Svo vildi hann bara fara með mér þegar ég var að fara.

Og þess vegna er ég að drepast úr væmni í kveld.

Svefnleysi og hamingja

2007-12-20T20:06:00.000Z

Góður dagur í dag...byrjaði reyndar ekkert alltof vel þar sem ég þurfti að VAKNA...en eftir það varð allt betra og betra.

Svaf óþarflega stutt í nótt miðað við það að ég er í jólafríi...oftast erum við að tala um 10 tíma þá en ég held ég hafi bara náð rúmum 5 í nótt, enda var fjölskylduferð inn á Ak. þar sem ég fékk Nings sem var ekki gott og keypti mér meira hunangssjampó sem var aftur á móti gott. Svo er það bara kósíheitabað á eftir.

Er eiginlega bara nokkuð hamingjusöm. Búin að vera að leika fullt við litlu bræður mína tvo í dag sem er mjög skemmtilegt og svo var farið í spurningaleikinn góða við matarborðið. Það er að verða hefð sem á sér stað í næstum því hverjum matartíma. Leikurinn hafði nú þróast ögn síðan ég var hérna síðast þannig ég tapaði eiginlega þó ég vissi svörin því ég fór ekki eftir reglunum. En þessi leikur er smíð hans Benna bróður...hann er svo yndislega mikill njörður :o) Og Þói alger prakkari. Hann reyndar er alveg að mastera taktana við eldamennskuna. Þegar pabbi er að elda þá verður hann að fá að sjá hvað hann er að gera og fylgist grant með. Þegar hann er svo að leika sér í sínu eldhúsi þá fer hann eins að að öllu...meira segja hægt að biðja um smakk og alles! Stundum finnst mér soldið leiðinlegt að sjá þá ekki oftar.

Ætluðum til ömmu að baka sörur í kveld en það verður gert yfir daginn á morgun í staðinn. Svo eru það Óvitarnir með Fanney systur annað kveld og Stúfur á laugardaginn. Gæti jafnvel verið að maður kíki eitthvað um kveldið á Ak. Sé samt til...verð alltaf svo löt hérna :o)

Jæja, ætla að fara að lesa eða horfa á That 70's show eða eitthvað í þá áttina.

Mér er illt í maganum!

2007-12-20T03:38:00.000Z

Er fyrir norðan og lítið að frétta...Óhóflegt át hafið nú þegar og alltof mikil tölvuleikjanotkun!

Ætla samt að reyna að fara út úr húsi a.m.k. einu sinni á dag...!

Fór .t.d. í sund í kveld og á morgun er ferð inn á Ak. með allri familíunni...sem betur fer erum við á 2 bílum...þetta er svo stór fjölskylda að hún passar ekki í einn bíl ;o) Og þann 28. des. verðum við fleiri...þá kemur Magnús bróðir líka norður!

Sem betur fer er restin af systkinunum komin með sína eigin fjölskyldu og þau halda sig bara heima hjá sér!

En ætla að reyna að finna eitthvað á netinu núna til að horfa á/sofna yfir.

Jólin eru ein stór sukkhátíð!

Plankastrekkjari

2007-12-17T13:39:00.000Z

Pabbi gamli bara kominn á netið...nema hann er ekkert svo gamall akkúrat þarna.

Djöfullinn og dádýrið

2007-12-14T00:52:00.000Z

Er það nú lifnaður á manni! Er í ofvirkniskasti ein heima að fara að éta pasta út pakka kl. 01 og er að pæla í að fara að þvo þvott! Jólin eru sko mætt á svæðið...eða þetta er svona týpískt pre-jóla-ástand...

Var að átta mig á að ég væri bara búin að borða eitt snickers og eina pylsu í dag...það er ekki nógu gott! Því leyfi ég mér að borða djöfulinn sjálfann - Pakkapasta með ostasósu!

Á nú ekki eftir að gera það margt áður en ég fer norður en mig langar svo að hafa allavega laugardaginn sem fríastann :o) Þá reynir maður að pakka þessu saman eitthvað fallega.

Verst bara hvað ég er strax búin að snúa sólarhringnum við!

Var á jólatónleikum í skólanum áðan og það var bara mjög gaman...besta atriði kveldsins var klárlega Babba-kvartettinn! Mér var sagt að syngja ekkert og ég var því ekki að syngja...ekki einu sinni í samsöngslögunum! Verð að vera ósyngjandi í 3 vikur...það er ótrúlega erfitt!
Byrjaði að syngja með í fyrsta samsöngnum og mundi svo bara í miðju lagi að ég mætti ekki að vera að syngja...pfffff!

Hvernig fer maður í gegnum heil jól án þess að syngja?

Jæja ætla að sinna matnum og þvottinum :o)

Jólin!

Tannpínupúki?

2007-12-13T16:03:00.000Z

Held ég verði bara að sætta mig við þessar hænur...fínt að hafa hænsnagarð á blogginu sínu og ekki amalegt að það séu þá rokkhænur sem segjast vera vinir mínir.

Jólatónleikar í skólanum í kveld. Ég ætlaði að syngja með Heiðrúnu en ég er orðin ömurleg. Verð núna að andskotast til að syngja ekki neitt næstu 3 vikur. Og kannski fá lyf sem virka. Helvítis húmbúkk!

Á eftir að gera alltof margt áður en ég fer norður! Tíminn hleypur á harðaspretti frá mér! Ég er líka rosalega utan við mig þessa dagana. Hef verið að gleyma dagbókinni minni mikið heima og að ég eigi hana yfir höfuð og það þýðir að ég man ekkert hvar ég á að vera hvenær.

Verð að muna eftir að fara til tannlæknis á morgun. Það hefur ekki verið litið upp í kjaftinn á mer síðan ég var 17 ára gömul. Veit að það er ekkert það gáfulegasta en það hefur allavega ekkert verið að bögga mig í tönnunum. Gott samt að fara og láta hreinsa þær alminnilega við og við. Kvíði samt svakalega fyrir!

Held ég fari núna og reyni að taka til í herberginu mínu. Það hefur eki litið svona svakalega út síðan ég flutti hingað!

Er eiginlega bara orðlaus...

2007-12-12T16:34:00.000Z

Hvað á maður að gera þegar þrjár hljómsveitir sem maður þekkir eru með lag í jólalagakeppni rúv? Bölvað vesen er þetta á ykkur! Endaði samt með því að ég kaus gamla góða Hraunið...svona fyrst maður er búin að gaula svona einu sinni með þeim í því lagi og allt það...sveik þar með frænda og góða vinkonu..það er vandlifað! Veit ég get kosið oftar en mér finnst það pínu kjánalegt....er ég ein um það? En hypjið ykkur inn á http://www.ruv.is/heim/vefir/poppland/jolalagakeppni/ og kjósið....t.d. Hraun eða Túpílaka eða H&H eða Hraun ;o)

Hálsinn í fýlu við mig eftir síðustu daga....söng í 12 lögum í Kjallaranum á sunnudeginum og í gær urðu þau allt í einu 13...þannig það gekk ekkert rosa vel á æfingu í morgun á Brúðkaupinu þannig ég ákvað bara að þegja...Tækla þetta jólafríinu. Svaf svo yfir mig í söngtíma :o/

Annars er bara margt að gerast hjá mér þessa dagana...allt mjög gott en soldið scary...en ég bara brosi :o)

Svo er ég búin að fresta norðurferðinni um einn dag og gæti kannski verið að ég seinki því um einn dag í viðbót...nenni ekki að vera að keyra norður daginn eftir djamm...sé til hvort ég fari í þetta partý á laugardaginn. En svo er skyldumæting bæði til Rósu og í jólapartý NFSR...maður getur ekki gerst félagsskítur þó svo maður sé ekki í stjórn ;o)

Alltaf skal þetta líf koma manni í opna skjöldu!

Afsakið óreiðuna

2007-12-10T14:40:00.000Z

Ákvað að gera tilraun til að breyta lúkkinu á þessu bloggi aðeins, skreyta það smá, en þegar ég var búin að velja mér útlit þá sá ég að ég þyrfti að breyta því og lagfæra það mikið til að það yrði eins og ég vildi hafa það. Ákvað því bara að halda mig við þetta svarta og fjólubláa þangað til ég nenni að vera að föndra við þetta. Verst bara að ég sat eftir með þessar ljótu hænur þarna...ef einhver veit hvernig ég get losnað við þær má sá hinn sami endilega láta mig vita!

Frábær helgi að baki. Jólahlaðborð með vinnunni á fimmtudeginum. Fórum á Fjörukránna. Það var soldið spes en mjög skemmtilegt. Vinguðumst við hóp af norðmönnum sem voru á næsta borði. Fórum svo auðvitað á Næsta og vorum leiðinlega liðið sem er ógeðslega lengi að hypja sig út þegar það er búið að loka!

Á föstudeginum var ég búin að gleyma að það væru tónleikar mað Hálfvitunum og Hvanndalsbræðrum og sagði því við Grjóna að ég skyldi taka vaktina hans það kvöld fyrir hann. Hann varð glaður og fór á tónleika. Ég bölvaði mér í hljóði.

Á laugardaginn var ég eiginlega að æfa allan daginn. Þreytti það þrekvirki að mæta á æfingu til Rósu kl. 11:00 þegar ég hafði verið að vinna til 5 um nóttina. Fór svo og keypti nokkrar jólagjafir. Var svo pínu föst og komst ekki á eina æfingu en náði að mæta seint á þriðju æfingu dagsins. Eftir það var haldið til Einars og Gunnu og borðaður dýrindis kjúklingur...át næstum tvær heilar bringur og fullt af meðlæti! Varð að yfirgefa veisluna fyrr en aðrir því við vinirnir vorum búin að lofa að hittast í tilefni af því að við hefðum endurheimt Völu. Byrjuðum á því að hittast hjá Helga og spiluðum Kana og ég rústaði Helga í Hæ Gosa 2x því hann bara varð að reyna að vinna mig í því...ég hef bara aldrei tapað í Hæ Gosa og ætla ekki að byrja á því núna. Svo var haldið niður í bæ sem var frekar hljóður svona í prófatíðinni. Ég fóðraði liðið á ostum og snakki á Næsta. Svo ráfuðum við eitthvað í leit að einhverjum stað að fara á og enduðum á að fara á Ellefuna en þar týndum við Vala Höllu og Helga. Það var voða lítið að gerast þar og því röltum við yfir Laugaveginn og tókum okkur stöðu í röðinni fyrir utan Kaffibarinn. Eftir að hafa beðið slatta og leyft fullt af fastagestum fara á undan þá trompaðist Vala við dyravörðinn og húðskammaði hann en viti menn þá hleypti hann okkur loksins inn. Þetta var eini staðurinn sem við fórum á þetta kveld sem var eitthvað af fólki á og eins og í den þegar við Vala vorum alltaf að djamma á Kaffibarnum þá byrjum við að blaðra við hina og þessa, en blöðruðum reyndar merkilega mikið við hvor aðra líka. Í lok kveldsins kom strákur til okkar þar sem við bíðum á barnum eftir afgreiðslu og býður okkur drykki og segir svo "mér var annars sagt að ég þyrfti bara að bjóða þér upp á kokteilsósu til að ná í þig." Og þetta er svo mikill einkahúmor sem aðeins svona 18 í heiminum skilja :oD En ég dó næstum úr hlátri og ákvað að næst þegar ég hitti Snorra að þakka fyrir mig. Pott þétt besta pikk öpp lína sem ég hef heyrt! Og þið haldið núna að ég sé eitthvað klikk...

Anyway þetta var stórskemmtilegt kveld en ég fékk að finna fyrir því daginn eftir. Verð afskaplega sjaldan þunn en það gerðist á sunnudeginum og var ég eiginlega hálftíma sein allan daginn. Ég og Rósa vorum löööööngu búnar að ákveða að fara í Kolaportið að grúska en þegar við loksins komum þangað var klukkan orðin alltof margt miðað við að við áttum eftir að taka okkur til fyrir Kjallarann um kveldið. Uppgötvuðum samt nýjan æðislegan bás. Fór heim og setti nýtt met í að taka mig til en ég var mætt með þeim fyrstu niður í kjallara. Prógrammið tókst vel miðað við æfingaleysi, allavega í mínu tilviki. Þeir sem misstu af geta séð þetta næsta þriðjudag. Þið voruð ótrúlega ódugleg við að mæta! Það voru bara 3 á mínum vegum sem mættu og það telst slæm mæting hjá ykkur masstíurnar mínar! Eftir dagskrána var aðeins kíkt á Ölstofuna og súpt aðeins á bjórnum...langt en skemmtilegt kveld ;o) "Ég ætla að fara... niðr'í bæ"

Var ekki að nenna að vakna um hádegisbilið en það marðist á endanum. Núna ligg ég og er að velta því fyrir mér hvort ég eigi að taka til í herberginu mínu en það eru föt út um allt. Það er nú líka eina draslið þannig lagað sem myndast í herberginu því það er bara ekki pláss fyrir þau öll í þessari einu kommóðu og eina skáp sem ég er með...þetta bara gubbast út úr þeim!

En þetta er orðið langt og leiðinlegt blogg sem er fullt af einkahúmor...

Túrílú

Enn ein andvökunóttin

2007-12-05T04:38:00.001Z

Þá er maður enn og aftur andvaka. Hefur reyndar ekki gerst frá því í sumar.

Requiem var æði. Byrjaði að skjálfa þegar kaflinn á undan Lacrimosa var að klárast því ég vissi alveg hvað var að koma. Kiknaði svo í hnjánum. Riðaði til lengi eftir á. Heppni hvað ég þurfti að keyra stutt.

Er búin að vera að njósna um allskonar fólk á netinu. Gamlir skólafélagar, fólk sem maður kannast við, fólk sem maður þekkir ekki baun. Gaman hvað fólk er atorkusamt og hugmyndaríkt.

Er orðin soldið stressuð yfir því að vera andvaka því ég þarf að vakna fyrir 8:00 í fyrramálið og mæta á Brúðkaup-Fígarós-æfingu...reyndar bara kóræfingu. Ætla líka ekki að syngja. Þarf að spara röddina fyrir kveldið. Var ráðlagt í dag að vera ekki að syngja á meðan ég væri svona slæm í hálsinum. Það verður athugað betur í söngtíma á morgun.

Er líka stressuð yfir því að vera ekki sofnuð því þá næ ég litlum svefni og þá bætist þreyta ofan á allt raddvesenið. Afhverju gat ég ekki bara ákveðið að verða eðlisfræðingur eða geimfari eða ávaxtabóndi? Þá hefði nú litlu skipt þótt ég gæti ekki sungið.

Annars finnst mér nú eiginlega bara mjög kósí að vera vakandi á næturnar. Svo mikil kyrrð yfir öllu, ekkert áreiti. Loftið eins og það sé aðeins hreinna, svalt og frískandi.

Akkúrat núna væri ég til í að það væri nótt snemma í ágúst. Þegar það verður ekki alveg dimmt, þegar himininn verður bara svona dimmblár. Það er komið smá haust í loftið og því byrjað að vera pínu svalara á næturnar. Döggin liggur létt yfir öllu og það er stjörnubjart. Að ég væri uppi í sveit og væri liggjandi uppi í heiði, heyrði ekki í neinu nema náttúrunni og fyndi fyrir rakanum á jörðinni við andlitið. Fullkomin hamingja!

Það er risa, uppblásinn jólasveinn með ljósi inni í á svölunum á neðri hæðinni og það eru rosa læti í honum. Hann malar allan sólarhringinn. Truflar soldið næturfriðinn sem ég var að sækjast eftir þegar ég opnaði gluggan áðan. Hann er samt voða sætur því það er eitthvað svo einlæglega barnslegt að setja risavaxinn jólasvein á litlu svalirnar sínar.

Held ég ætti að fara að sofa. Umferðin er líka farin að aukast. Fólk á leiðinni í vinnuna sína í bakaríinu, líkamsræktarstöðinni og hvar sem maður byrjar að vinna svona snemma. Svo eru kannski sumir á leiðinni á flugvöllinn í KEF að sækja einhvern sem er að koma frá útlöndum, eða til að fara til útlanda sjálfir.

Það er oft merkilega mikil umferð um Reykjavíkurflugvöll upp út miðnætti...upplifði það bæði í Kvisthaganum og í Garðastrætinu.

En nóg af vanilluhungangssullumbulli í bili!

Er hvítlauksbragð af jólunum?

2007-12-04T19:23:00.001Z

Bahhh...!

Röddin í meira messi í dag en seinustu daga. Þetta fer að verða þreytandi! Held ég verði að sleppa Sull'aria á morgun á seinni tónleikunum. Sé til á morgun hvernig söngtíminn fer í mig.

Er að fara á Mozart Requiem á eftir. Verður flutt á dánarstundu tónskáldsins. Í fyrra flutti ég þetta verk á sama tíma en núna ætla ég bara að njóta þess að hlusta á það. Hlakka mikið til enda finnst mér þetta eitthvað það fallegsta tónverk sem samið hefur verið. Kikna í hnjánum í Lacrimosa kaflanum.

Svo er Þetta mánaðarlega í Kjallaranum hjá Hugleik að bresta aftur á...verð ekkert að leika í þetta skiptið en syng alveg eins og óð...gleymi alltaf að ég sé fokkt í hálsinum. En allavega mun Hjárómur syngja þarna vel valin jólalög, bæði sér og í leikþætti. Svo ætlum við Rósa að syngja saman eitthvað skemmtilegt og svo erum við nokkrar að fara að syngja sem kirkjukór í öðrum leikþætti. Ætti að verða hin skemmtilegasta dagsrká og er voða kósý stemning á jóladagskrám Hugleiks þannig endilega mætið, annað hvort á sunnudag eða mánudag kl. 21:00 held ég alveg örugglega...kem svo með betra plögg þegar nær dregur.

Er farin að hlakka voða til að fara heim, norður, um jólin. Fer eftir bara 10 daga! Held líka að ég hafi ekki verið svona lengi í einu fyrir norðan frá því ég flutti suður. Það verður næs! Fann bragðið af hvítlaukssmurostinum hans pabba á tungunni á mér um daginn. Þá kom jólaandinn yfir mig :o)

Ætla að tékka á samlokunni sem ég er að grilla mér í kveldmat. Hún er voða girnó! Með mango-chutney, skinku, spínati, parmesanosti og camenbertosti :oÞ

Verði mér að góðu!

You're like a stinky old cheese babe!

2007-12-03T11:26:00.000Z

Hef komist að því að ég get klárað lítra af Sól-appelsínusafa á mjög stuttum tíma án þess að taka eftir því. Var eitthvað að maula þrjú hafrakex og ákvað að vera með djúsinn svona til að súpa aðeins á með þeim en svo er ég næstum því búin með hann á undan kexinu. Ég elska líka þennan djús!

Mikil og menningarleg helgi að baki. Fór á Hamskiptin á laugardag og Konan áður á sunnudag. Báðar sýningarnar eru góðar.

Hamskiptin var mjög flott sýning og leikurinn var æði. Allt í einu byrjaði samt Nína Dögg að fara pínu í taugarnar á mér, veit ekki hvað það var. Ingvar var geðveikur! Líka ótrúlegt hvað Gísli Örn hefur mikið vald á líkamanum. Var eins og hann væri ekkert að hafa fyrir þessu. Maðurinn við hliðina á mér sagði "ótrúlegt" eða "djöfull er hann flinkur strákurinn" í hvert sinn sem Gísli hékk einhversstaðar eða gerði einhverjar fimleikakúnstir, og var því næstum masandi alla sýninguna ;o) Leikmyndin er líka mjög flott og ég fór næstum því að grenja í lokin. Ótrúlega falleg sýning í alla staði. Elska líkamlegt leikhús.

Konan áður var líka fín sýning. Leikurinn var kannski ekki nógu góður á öllum póstum en flestir í sýningunni stóðu sig vel. Edda Arnljóts var geheðveik! Djöfull er hún góð! Vignir stóð sig líka vel. Leikritið sjálft er líka svo gott að heildarútkoma sýningarinnar er góð. Maður varð eiginlega að taka smá tíma eftir það til að jafna sig. Mæli alveg með að fólk kíki á þessa sýningu.

Svo vann ég bæði kveldin á Næsta og var mikið stuð á laugardeginum, en þá myndaðist allt í einu röð fyrir utan því það var pakkað inni! Fólk var líka að hegða sér mjög furðulega og að gera allt allt allt sem mátti ekki gera. Mér fannst þetta samt mjög skemmtilegt kveld. Ég er kannski eitthvað skrítin en mér finnst óendanlega skemmtilegt að vera edrú innan um drukkið fólk. Fólk verður svo skrítið og fyndið í glasi, nema þegar það er með vesen.

Mætti líka á nokkrar Hjáróms- og Skuggablómsæfingar. Það gekk.

Rétt svo náði að vakna í morgun til að mæta á Brúðkaup Fígarós-æfingu. Þar átti maður gjössovel að ná upp á H svona nokkrum sinnum. Það var ekki að ganga vel enda neita raddböndin að mynda tóna fyrir ofan F með þessa sýkingu í öndunarveginum, sem er ekki nógu gott þar sem það eru tvennir tónleikar á miðvikudaginn sem ég er að fara að syngja á. LHÍ kl. 20:00 og Áskirkja kl. 21:00.

Hef líka komist að því að Hairspray-diskurinn er ágætis meðal við skammdegisþunglyndi.

13

2007-11-30T15:35:00.000Z

hahaha næ meira að segja bloggi nr. 13 í þessum mánuði ;o)

Er að hressast...lét lækni skoða mig í gær og með honum var læknanemi og það þurfti að troða myndavél í gegnum nefið og ofan í kok. Raddböndin mjög vel útlítandi en það er sýking í eiginlega bara öllum öndunarveginum. Fékk lyf en ég held að ég sé að finna fyrir aukaverkunum...þarf að kanna það betur áður en ég verð viss. Hata að hafa ofnæmi fyrir pensillíni!

Annars held ég að ég hafi loksins verið að koma mér alminnilega fyrir í herberginu mínu. Þá á ég við að það lítur núna út eins og herbergi sem Jenný gæti átt. Vantar samt eitthvað pínu upp á en held það verði ekki betra en þetta.

Matarboð hérna heima í kveld og svo vinna kl. 22:00. Er varla búin að fara út úr húsi alla vikuna og hlakka mikið til að komast út og hitta fólk.

Voðalega líður tíminn annars hratt! Það eru bara alveg að koma jól!

Merkur áfangi

2007-11-28T21:44:00.000Z

Í dag næ ég 12 bloggfærslum í þessum mánuði. Hef aldrei bloggað oftar en 11 sinnum í mánuði hingað til...allavega ekki á þessu bloggi. Merk tímamót.

Er að reyna að halda mig heima og vona að það hjálpi til við að sigra þessi veikindi mín. Hef ekki verið að leyfa mér það. Kannski þess vegna sem ég hef bara orðið veikari og veikari. Langar samt að gera svo margt. Þarf að gera svo margt. En ég vil vera orðin sem frískust fyrir helgina því þá er margt sem ég þarf að gera, eins og að vinna, og svo er ég búin að kaupa miða á tvær leiksýningar. Og melda mig á æfingu. Verð að vera orðin frísk þá.

Enda ætla ég að láta öllum illum látum þangað til að einhver læknir drullast til að kíkja ofan í kokið á mér á morgun þegar ég fer upp á háls-, nef- og eyrnadeild! Ótrúlegt hvað þeir eru búnir að vera ragir við það! Vissi ekki að ég væri svona andfúl ;o)

Held að ég sé núna búin með 5 diska af 7 af Grey's...spurning hvað gerist þegar ég klára þá alla?!?

Urr vill einhver koma og galdra hálsinn minn í lag! Verð að geta æft mig! Maður nær bara ákveðið miklum/litlum árangri við að pikka upp laglínur og læra texta...og ég get aldrei haldið kjafti allan tíman á meðan ég reyni að æfa mig svona...

...Þess vegna er ég heima að horfa á dvd...er að athuga hvort minnkuð notkun á röddinni lagi þetta ekki smá...

...en í sannleika sagt þá drulluleiðist mér!

Fjórar vikur af veikindum

2007-11-27T18:47:00.000Z

Þá er maður komin með vinnu. Það er alltaf jákvætt.

Er búin að vera ósyngjandi núna í nærri 4 vikur. Það er neikvætt. Er að fara í steraöndun á morgun og ef það virkar ekki nógu vel þá á ég að hitta lækni á mánudaginn. Einhver sagði mér nú samt að steraöndunin væri last resort þannig ég er svona ekkert rosa sátt með þetta. Hefði viljað að sérfræðingur myndi fyrst kíkja á þetta.

En ég vona að ég verði komin í lag næsta miðvikudag, og helst fyrr, því þá þarf ég að syngja á tvennum tónleikum. Aðrir byrja kl. 20:00 og er ég að reyna að fá að í gegn að atriðin tvö sem ég á að syngja í þar verði fyrst svo ég geti mætt á hina tónleikana sm hefjast kl. 21:00. Erfitt þegar fólk þarf að breyta dagsetningum með svona stuttum fyrirvara.

Fór á Óperuperlurnar í ÍÓ á laugardaginn. Það var mjög skemmtilegt. Þegar söngvarar eru góðir leikarar þá komast þeir upp með fleira en ef þeir væru bara söngvarar. Þetta voru samt allt magnaðir söngvarar og áttu Diddú og Bjarni besta leikinn. Ágúst er orðinn miklu liprari á sviði, en ég man eftir því þegar ég sá hann fyrst í óperu...hann var stífari en spýta...en eins og ég segi alltaf að batna og batna og er orðinn nokkuð skemmtilegur á sviði núna. 'Otrúlega skemmtileg kveldstund í Óperunni.

Svo á sunnudagskveldið fór ég loksins á Killer Joe. Mér fannst þetta stórskemmtileg uppsetning og flottur leikur hjá liðinu. Björn fannst mér alveg óborganlegur...og hann minnti mig svo á einhvern en ég get bara ekki munað hver það er! Allavega virkilega creepy og klikk. Líka gaman að sjá Unni leika svona týpu og gerði hún það mjög vel. Maríanna Clara er gebbað góð! Held að hún eigi vinninginn í þetta skiptið. Þessi stelpa kann sko að leika! Jörundur klikkaði ekki frekar en fyrri daginn. Alltaf sama unun að horfa á manninn leika og gaman að sjá hann aftur á sviði. Held ég hafi ekki séð hann á sviði síðan hann var í Penetreitor. Þröstur Leó var líka alveg fullkominn í pabbann sem er eiginlega alger aumingi. Mæli með þessari sýningu en það eru víst bara þrjár sýningar eftir af þessu núna og er uppselt á allar.

Gaf síðan Fanney systur loksins afmælisgjöf í gær. 3. Serían af Grey's Anatomy. Það þýðir auðvitað að maður er lagstur í gláp og erum við strax búnar með 2 diska af 6 held ég. Enda fátt annað að gera þegar maður er lasinn.

En núna ætla ég að reyna að borða.

Túrílú!

Í kveld:

2007-11-24T04:23:00.000Z

Skemmti ég mér stórvel á Nokia on ice með fríu öli og æðislegum böndum...söngkonan í Bloodgroup er án efa mest sexy kvenkyns performerinn á Íslandi í dag eins og Steini hjá Fréttablaðinu vildi meina...

Fékk ég svo eftir þessa hátíð vinnu á Næsta bar...byrja á morgun...verð að sleppa vinadjammi þá en vinna er vinna!

Fann ég út að mútta er óútreiknanleg á djamminu og hugsar ekki lengra en nef hennar nær...en það er nú bara charisma út af fyrir sig ;o)

Komst ég að því að stjúpfaðir minn er farinn að taka stjúpföðurhlutverk sitt mjög alvarlega ;o)

Missti ég röddina en hún er núna bara svona sexy eins og vinkona mín hún Pheobe vill meina!

Dadadadadadadadadadadada don't worry be happy!!!

Hvað gerir maður þegar maður er búinn með Netið?

2007-11-23T00:26:00.000Z

Fór að leiðast á Facebook þar sem það hrúgast inn invitations og notifications og ég nenni bara ekki að fara í gegnum þetta allt enda er ekki helmingurinn af þessu intressant!!

Þannig ég gúglaði sjálfa mig...Það var fróðlegt!

Komst að því að það er ólíklegasta fólk sem les bloggið mitt og að það er allskonar fólk með mig í tenglum!

Reyndar hef ég náð að halda þessari síðu leyndir frekar lengi og eru margir vina minna búnir að halda í næstum ár að ég sé hætt að blogga :oD Það fannst mér fyndið!

Fór í leikhús í kveld, nánar tiltekið á Frelsarann í Þjóðleikhúsinu. Ég skemmti mér mjög vel og naut sýningarinnar þó svo að það hefði mátt þétta hana til muna og stytta sum atriði og sumum atriðum botnaði maður hvorki upp né niður í...En flott sýning engu að síður og ég sá ekkert eftir því að hafa farið á hana. Strákarnir tveir voru drullugóðir en mér fannst stelpan bara svona lala...hún skemmdi sýninguna samt ekkert, en stundum fékk ég smá svona "æhh" niður bakið.

Fór líka á tónleika hjá Hraun í gærkveldi. Þar voru þeir að spila lög sem koma til greina að fara á næstu plötu og fengu tónleikagestir að hjálpa til við valið. Þeir voru góðir að vanda.

Áðan var síðan hringt í mig og mér boðið VIP á Nokia On Ice eða hvað það nú heitir. Ég sagði nú bara já takk þó svo ég hafi ætlað að vera róleg annað kveld. Fínt að fara og hlusta á góðar hljómsveitir spila og svona :o)

Svo kemur Vala heim á sunnudaginn!!!!!! Hæ hó og jibbíjei!

Og amma Erna kemur til landsins á morgun!!!!! Jibbíjei!

Og ég fæ að sofa út á morgun!!! Hósíanna í upphæðum!!!!

Annað fyndið við að gúgla sig...þá rekst maður á gömul blogg og komment eftir sjálfan sig sem maður man ekki eftir að hafa skrifað og kynnist sér sem skrifara í leiðinni...það er pínu skrítið...!

Annars er aksjónin að gúgla sjálfan sig skrítin. Myndi örugglega flokkast undir sömu skringilegheit og að tala við sjálfan sig. Var ekki alltaf sagt að þeir sem töluðu við sjálfa sig væru geðveikir? Á þá það sama ekki við um að gúgla sjálfan sig? En það er nú ekkert geðveiki að tala við sjálfan sig þar sem það gerir það held ég að minnsta kosti annar hver maður....Á það sama við gúgl? Gúglar sig annarhver maður?

Og er þá annar hver maður geðveikur?

Hefuru gúglað sjálfa/n þig?

Í dag...

2007-11-20T22:59:00.000Z

- Vaknaði ég snemma því það þurfti að þrífa herbergið mitt (dekur?)
-Lærði ég 4 lög utan að og loksins loksins resitatívið við Lascia Ch'io pianga (er haldin frestunaráráttu gagnvart resitatívum)
-Notaði ég hálfa flösku af Hot Chilli Sauce við að borða 3 kjötbuff (elska elska elska sósur!)
-Fór ég á búðarráp (hef ekki gert það FÁRÁNLEGA lengi!)
- Það var einstaklega fullnægjandi! (Við erum samt bara að tala um klukkutíma)
-Keypti ég mér bol og lét taka annan frá ( my heart skipped a beat)
- Á ég greinilega einstaklega erfitt með að skrifa KEYPTI (náði held ég öllum öðrum samsetningum á þessum stöfum áður en ég náði að skrifa það)
- Vann ég fyrsta kveldið mitt hjá Miðlun (það var furðulega endurnærandi fyrir sálina)
- ákvað ég að nýta reynslu mína sem sólbaðstofuvörður og sækja um á einhverjum stofum
þar sem að ég er ekkert að heyra frá þessu liði sem ég er búin að vera að sækja um á!

Á dagskrá er svo að sinna skólanum vel, læra Barbarinurulluna með hinum Barbarinunum, fara á Frelsarann, æfa nýtt verk með Hjárómi, vinna aftur á Miðlun, fá bækur að láni og vera til :o)

Leiðinlegt blogg...fínasti dagur.

Íslandsklukkan

2007-11-18T21:49:00.001Z

Ég kíkti norður (heim) um helgina til að hitta fjölskyldu og vini og til að sjá Íslandsklukkuna sem Leikfélag Húsavíkur var að frumsýna.

Ég er nú frekar mikið tengd þessari sýningu þar sem það var hann karl faðir minn sem leikstýrði, en ég ætla samt að segja hér hvað mér fannst og held að ég sé nú bara nokkuð hreinskilin.

Leikarar- Leikararnir stóðu sig með mikilli prýði og ekkert í leiknum sem fór fyrir hjartað á manni. Misvant fólk á ferð eins og gengur og gerist en allir geta verið ánægðir með frammistöðu sína. Þeir karakterar sem sitja mest eftir í mér eru Snæfríður eldri, Jón Hreggviðsson og Jón Marteinsson, en einnig voru góðir karakterar Domkirkjupresturinn, Júnkærinn, Arnas Arnæus, Snæfríður yngri og Jón Grinvicensis. En eins og ég segi þá var hvergi brotalöm í leiknum og mega því allir vera sáttir með sig.

Tónlist - Tónlistin skipar stórt hlutverk í þessari sýningu hjá Leikfélagi Húsavíkur og lifir tónlistin undir verkinu næstum allan tíman. Tónlistin er frumsamin af Guðna Bragasyni og þjónar verkinu afskaplega vel. Skapar alltaf sterkt andrúmsloft. Hún er einnig þannig að maður tekur endilega ekkert mikið eftir henni þegar hún lifir undir textanum, truflar því ekki, heldur hjálpar án efa mikið. Það er mikill og þungur texti í þessu verki sem oft getur þreytt bæði áhorfandann og leikarann, en það gerir það aldrei í þessu verki. Það var einungis á þremur stöðum þar sem mér fannst að það mætti breyta um stef og oftast breyttist það mjög fljótt eftir að þessi hugsun flaug í gegnum huga minn. Söngurinn hjá Sigga Ill er líka undurfagur.

Lýsing - Lýsingin fannst mér æðisleg. Í forleiknum er hún frekar dimm, græn og dulúðleg og er örugglega mesti faktorinn í að hann virkar. Þar er verið að kalla söguna fram og sjáum við bita og bita úr sögunni koma fram á sjónarsviðið. Lýsingin þar var þannig að mér fannst ég algerlega vera komin í annan heim, missti eiginlega allt raunveruleikaskyn. Það var býsna magnað. Þar sem leikmyndin er einföld er margt skapað með ljósum og tekst það fullkomlega. Skálholt, Þingvellir og Kaupmannahöfn eru líka sýnd með sniðugum lausnum. Man líka að mér fannst lýsingin góð á grímudansleiknum, þegar Snæfríður og Arneus láta sig dreyma um betra Ísland og þegar Snæfríður snýr sér hægt í hring rétt áður en hún talar við Dómkirkjuprestinn.

Búningar og hár - Þjóna sýningunni vel, enda útlitið tekið frá þeim tíma er sagan gerist á. Hrós fá allir sem fórnuðu sér í miklar hárbreytingar og er ótrúlegt hvað fólk hefur samþykkt að láta gera við hausinn á sér!

Leikmyndin - Einföld og stílhrein. Sviðið er grænleitt og er leikmyndin pallar í sama lit sem er raðað mismunandi upp eftir því á hvaða stað við erum. Skiptingar tóku kannski stundum langan tíma en alveg greinilegt að það hefði nú ekki verið hægt að stytta það mikið meira. Svo auðvitað meyjarhaftið sívinsæla ;o) En heildin er góð lausn á litlu sviði.

Heildarsýn - Falleg og yfirveguð sýning sem hefur draumkennda áferð. Er næstum því ekki viss hvort mig dreymdi þetta eða hvort þetta fór fram í alvöru.

Ég kann nú ekki að skrifa um leikhús en ég held að ég sé búin að koma því til skila sem mig langaði að segja um þessa sýningu. Þetta er ekki sýning þar sem maður hoppar úr sætinu strax og henni lýkur og júbbílerar yfir því hvað hún var mögnuð, heldur situr hún áfram í manni og gerjast vel. Aðeins ein önnur sýning hefur gert það en það var Memento Mori. Þessar tvær sýningar eru þó ólíkar í leikstíl. Ég tók ekki eftir því hvað sýningin væri löng og var í raun hissa á að það væri komið hlé strax, en þá var rúmur klukkutími frá því að hún hófst.

Ég mæli bara eindregið með að fólk fari og kynni sér sjálft það sem er í gangi á Húsavík og held ég að ég geti með sanni sagt að það á ekki eftir að verða fyrir vonbrigðum!

Takk fyrir mig og til hamingju með flotta sýningu!

Þetta er nú líkast til orðið ógnarlangt blogg hjá mér. Ferðin var góð í alla staði og hélt ég mér mest með fjölskyldunni minni og skemmti mér vel með henni. Hitti líka Gunnhildi sem var voða gott enda hef ég ekki séð hana í allavega 2 ár! Þegar ég mætti svo á flugvöllinn voru Hanna og Íshildur þar og sátum við í sömu röð þannig ég náði líka góðu spjalli við Hönnu og komst að því að við erum með lík plön á næstunni þannig vonandi á maður eftir að sjá meira af henni, já og þeim mægðum. Skammast mín eiginlega fyrir að segja það en ég held að þetta sé í fyrsta sinn sem ég sé Íshildi :o/ Lélega Jenný!

Og núna er ég heima í Reykjavíkinni að njóta þess að gera ekki neitt þó að herbergið sé í rúst, ég eigi eftir að pakka upp og ætti kannski að vera að læra ;o)

Maður hefur nú lent í öðru eins í vetur!

2007-11-15T23:35:00.000Z

Jæjah!

Veit ekki afhverju ég ákvað að blogga...er líklegast að fresta því að fara að hátta...ég er með mikla frestunaráráttu!

Ekki mikið búið að ske...

Er orðin léttari í lund en upp á síðkastið...það er mjög gott! Er að finna nýjar og nýjar aðferðir til að vera jákvæð...það er víst léttara... sögðu kratarnir allavega...!

Framhaldsprófstónleikamaraþon um helgina...Var á tónleikunum hjá Höllu og Ólöfu áðan og þeir tókust mjög vel hjá þeim og mega þær vera mjög stoltar með sig...ég er allavega mjög stolt af þeim :o)

Ætla norður á morgun...Pabbi er búinn að vera að leikstýra af miklum móð fyrir norðan...á Húsavík nánar tiltekið...Ákvað að setja upp Íslandsklukkuna, ekkert minna...Hlakka til að sjá það en frumsýningin er á laugardagskveldið. Nánar um þetta á leiklist.is

Hlakka til að hitta fólkið mitt...ætlaði nú reyndar að fara í dag en þar sem óperudeildin byrjaði svo snögglega aftur þá varð ég víst að fresta brottför um sólarhring. En þar sem ég flýg þá sakar það nú ekki mikið.

Dúbbídúbbídú, dúbbídúbbídú - úr hvaða lagi er þetta? Ein vísbending - það er íslenskt.

Þjóðleikhúsdagskráin tókst vel...betur á sunnudaginn en á þriðjudaginn en mér finnst það einhvern vegin alltaf vera þannig. Held það ætti að taka það upp að þeir sem vilji geti rennt atriðunum sínum fyrir þriðjudagssýninguna.

Held að ég ætli ekki eins mikið til útlanda í sumar eins og planið var...Er að pæla í að fara pínu til útlanda og svo vinna eins og hestur inn á milli...jafnvel fyrir norðan...það væri voða ljúft..enda svosem ekki mikið annað hægt að gera en að vinna þarna og jú slaka á og lesa bækur, horfa á dvd, njóta náttúrunnar, njóta þess að vera með fjölskyldunni, hitta ömmu, hitta vini mína sem búa þar og ég sé alltof sjaldan og heyri alltof sjaldan í...it would be nice...

Er að byrja að setja niður listann minn fyrir 7. stigs prófið og líka fyrir tónleikana mína í mars því eftir áramót mun ég ekki hafa tíma til þess. Ætla þá að vra komin nokkuð vel með þetta og halda þeim við og verða pott þett á þeim. Svo eru það þessar tvær óperuuppsetningar. Kann nú helminginn af því sem Barbarina syngur í Fígaró en þarf að læra kórinn þar og lokasönginn mikla sem hún tekur þátt í. Svo að læra kórinn (heilar 4 bls. er mér sagt) í Cosi. Þá er ég nokkuð sett og get einbeitt mér að læra annað eftir áramótin.

Hlakka svo til þegar nýja árið verður gengið í garð. Það virðist ætla að byrja virkilega VEL. Það er að segja ef planið mun ganga upp, en ég held að þeir sem hafi völd til þess að eyðileggja það muni ekki gera það...vona ég.

En núna ætla ég að hætta að hugsa upphátt.

Guten abend, gute nacht.

Sá á kvölina sem á völina!

2007-11-13T00:33:00.000Z

Og ég sem hélt að ég væri búin að skera þannig niður að það yrði ekki mikið að gera hjá mér í vetur! Ákvað að taka ekki þátt í stórri uppsetningu hjá Hugleik, held ég hafi alltaf tekið þátt í einni á hverjum vetri núna eftir að ég flutti suður. Og ég ætla fyllilega að standa við það! Vandamálið er bara að í staðinn mun ég taka þátt í þremur óperuuppsetningum!!

Held það kallist ekki að skera niður!

Reyndar er ein uppsetning búin og í dag byrjaði undirbúningur fyrir næstu sem verður frumsýnd í lok janúar á næsta ári. Það er nemendaóperan í skólanum sem er að setja upp Brúðkaup Fígarós með 40 nemendum! Og hvernig fá 40 nemendur eitthvað að gera í einni uppsetningu? Jú, hlutverkin eru bara bútuð niður og fær hver nemandi sinn bút að læra. Ég er ein af fimm Barbarinum. Reyndar er eitthvað vesen með það þar sem karakterinn syngur bara eina litla kavatínu og bíðum við Barbarinurnar spenntar eftir að sjá hvernig á að leysa þetta.

Seinasta uppsetning vetrarins er hjá Óperustúdíói Íslensku Óperunnar, æfingar hefjast í febrúar. Þar verður Cosi fan tutte sett upp og er maður nú bara í kórnum þar sem hefur nú ekkert agalega mikið að gera en þó eitthvað. Bestu fréttir dagsins voru án efa að fá að vita að það væri hún Ágústa Skúla sem ætli sér að leikstýra herlegheitunum! Er farin að hlakka ógurlega til að sjá hvað kemur út úr þessu. Frumsýning áætluð um miðjan apríl.

Það skemmtilega er að í mars/apríl eiga einmitt 7. stigs tónleikarnir mínir að vera. Þar syngur maður um 10 lög minnir mig og allt á náttúrulega að vera perfect!

Og í mars/apríl er ég búin að ákveða að gera líka svo lítið annað, eins og fram kom í fyrra bloggi. Það þarfnast undirbúnings og mun því taka smá tíma frá mér frá og með deginum í gær.

Og út af þessu öllu saman verð ég að eyða sem mestum tíma í lærdóm og undirbúning núna fyrir áramótin.

Það þýðir að eitthvað þarf að fjúka...því miður...!

Það er erfitt að velja og hafna!

Þjóðleikhúskjallarinn í kveld!

2007-11-11T13:45:00.000Z

Daddara! Þá er komið að þessu! Þessir tveir einþáttungar sem ég er búin að vera að æfa verða sýndir í kveld, ásamt 4 öðrum, í Þjóðleikhúskjallaranum kl. 20:30 (þá opnar húsið en sýning hefst kl. 21:00) og það kostar bara 1.000 kr. inn...nema ef þú ert skuldlaus Hugleikari þá er það aðeins ódýrara ;o)

Er búin að vera að undirbúa þetta í dag...og núna er ég öll klístruð í tómatsósu, Hersey's sírópi og mold...dammdaramm! Þetta var reyndar bara tilraun en ég vona að hún takist hjá mér...og að þurrkarinn skemmist ekki :o/

Var mjög dugleg og vaknaði aftur kl. 9:00 í morgun og var komin upp í skóla kl.10:00. Ákvað að hita upp og athuga hvað röddin segði gott...hún sagði ekki gott...í dag nær raddsvið mitt yfir 5und...Þannig ég bara hlustaði í tímanum og glósaði hjá mér.

Talaði við Elínu hans Gulla áðan og komst hún að því að þetta væri líklegast ennisholusýking einhver þannig að ég er bara að fara að sækja vikuskammtinn minn af sýklalyfjum og steraúða! Jahú! Hlakka til að fá hljóðfærið mitt aftur! Og að geta andað án hindranna aftur!

En já lítið að frétta annars...enda er þetta örugglega alveg nóg!

En fjölmennið nú í kveld...eða á þriðjudaginn...eða bara bæði!

Nýtt líf, sprúðlandi af möguleikum!

2007-11-10T22:21:00.000Z

Er með stíflu í nefinu sem neitar að fara og gerir það að verkum að við og við yfir daginn liggur við að ég kafni úr hori...no kidding!

Rosalega gaman að sitja í fínu mataboði og það snörlar endalaust í manni!

Dagdraumar eru æðislegir! Sérstaklega þegar maður hefur tíma til að leyfa þeim að grassera smá. Er ein heima í kveld og hef ekkert að gera og læt mig dreyma um líf fullt af hamingju og gleði, átökum og sigrum og síðast en ekki síst, fyllingu.

Er að reyna að finna búninga fyrir morgundaginn...þá er fyrsta mánaðarlega dagskrá Hugleiks í Þjóðleikhúskjallaranum - kl. 21, 1.000 kr. inn, allir að mæta - Er komin með annan búninginn. Það var líka svo auðvelt, bara bolur og buxur sem má skemma.
Hinn búningurinn er ekki eins auðveldur...er pínu týnd því karakterinn breyttist smá á seinasta rennsli og ég bara man ekki hvort búningurinn átti þá að breytast eitthvað! Shit! Annars verður þessu bara reddað með ljósum...right?

Ætti að vera í afmæli, ætti að vera að hitta Guffu, ætti að vera að æfa mig á píanóið, ætti að vera að æfa lögin mín, ætti að vera að lesa hitt og þetta, ætti að vera að skrifa fyrir jólablaðið, ætti að, ætti að, ætti að...en ég bara er ekki að nenna því akkúrat núna...!

Langar meira að segja sjúklega að sauma mér peysu og jafnvel einar buxur, en bara nenni því ekki!

Stundum er gott að vera latur...það má alveg stundum.

Er líka búin að vera svo fáránlega ofvirk í heilt ár eða svo að ég hafði ekki tíma til að átta mig á því!

En núna er ég búin að hvíla mig smá fyrir næstu hrinu sem mun allavega standa frá og með mánudeginu fram í maílok. Og mars og apríl verða hektískir! Var að taka ákvörðun sem passar ekkert rosa vel inn í tímaplanið en ég mun láta það virka.

Og aftur er lífið orðið sprúðlandi spennandi!

Jólin?!?!

2007-11-06T11:09:00.000Z

Ég var kvefuð, en núna er ég veik.

Það er samt frekar fínt, ágætt að hafa svona rólegt. Er bara búin að vera að horfa á dvd, hlusta á tónlist, lesa, spila á píanóið og reyndar að vinna smá. Mútta farin að stressast upp og þá getur verið erfitt fyrir hana að skilja að ég þurfi að hvíla mig inn á milli og líka að læra. Þó var það hún sem gerði það skiljanlegt fyrir mér að ég þyrfti að vera heima og hvíla mig, en persónulega fannst mér ég ekki hafa tíma til þess.

Er að reyna að læra ný lög, en það getur verið erfitt þegar nefið er svo stíflað að drullusokkur myndi hjálpa lítið. Er hinsvegar að verða þeim mun leiknari á píanóið. Að spila laglínuna í Oh had I Jubal's Lyre á píanóið er fínasta fingraæfing.

Ég er farin að hlakka agalega mikið til jólanna! Held það sé þessu jólablaði að kenna. Ég er núna búin að lesa heil ósköp af upplýsingum um uppruna jólanna, jólasveinanna, Grýlu, jólakattarins, jólakortanna, jólatrjánna og að gefa í skóinn og búin að lesa hvernig "Gleðileg jól og farsælt komandi ár" er skrifað á yfir 350 tungumálum! Er að berjast við að skella ekki jólatónlist í spilarann!

Er þó að reyna að pæla í jólgjöfunum. Ætla að reyna að vera sniðug þessi jólin. Hef alltaf eytt svo fáránlega miklu í gjafir og þá sérstaklega handa systkinum og bestu vinum. Ætla að reyna að tóna það aðeins niður. Við systur brugðum hinsvegar á það ráð í fyrra að sameinast í gjöfum fyrir fjölskyldumeðlimi. Ótrúlega sniðugt múv sem ég held að við munum endurtaka þessi jólin.

Núna er þetta blogg orðið alltof jólað miðað við að það er 6. nóvember og held ég því að ég segi þetta komið nóg og snúi mér að skrifa eitthvað sem má og á að vera um jólin.

Pozdrevlyayu s prazdnikom Rozhdestva i s Novim Godom

Kvef!

2007-11-02T17:31:00.000Z

Í dag er ég kvefaðri en ég var í gær. Í gær var ég kvefaðri en í fyrradag. Í fyrradag var ég kvefaðir en í hitt-í-fyrradag, en þá var ég ekkert kvefuð.

Er byrjuð að vinna jólablaðið með múttu. Einhver af ykkur má búast við að fá símtal frá mér á næstunni þar sem ég mun láta ykkur sitja fyrir svörum um eitthvað sem er hugsanlega hægt að tengja við jólin.

Er annars að leita mér að vinnu. Hún þarf að vera skemmtileg, sveigjanleg og helst að borga vel. Annars er mér eiginlega sama svo lengi sem hún er skemmtileg og sveigjanleg. Já, og ætli hún verði samt ekki að vera plönuð svona mánuð fram í tíman svo mútta taki hana af alvöru...held henni finnist þjónahopp ekki vera nógu stabílt. Look who's talking ;o) Ég er reyndar búin að sækja um hér og þar en ekkert búin að heyra. Boring!

Annars er mér hætt að leiðast...það var svo leiðinlegt!

Annars er ég að pæla í að fara að lifa eftir stjörnuspá hvers dags. Eins og í dag sagði stjörnuspáin mín mér að ég ætti að fara út og hitta vini mína í kveld og passa að enginn verði út undan í því og það er bara akkúrat það sem ég ætla að gera!

Er að fara á óperuna Die Verschwörenen hjá Tónó í Iðnó. Það eru víst 5 Hugleikarar tengdir þessu og svona fólk sem maður kannast við úr söngnum. Hlakka nokk til.

Og svo eftir það ætlum við að hlamma okkur inn á B5 sem þýðir að maður verður að vera ógó sætur og í fínum fínum fötum og lækka greindarvísitöluna nokkuð mikið svo maður komist inn. Ætli manni sé hleypt inn með lekandi hor? Örugglega ekki! SHit!

Þoli ekki svona dress-cote, cute-cote o.s.frv. Finnst þetta vera vitleysa sem ég skil samt alveg en samt ekki. Þegar þú ferð niður í bæ þá er allskonar lið þar. Ef þú vilt ekki hitta allskonar lið haltu þá bara partý heima hjá þér!

Ætla að fara og athuga hvað ég get mixað til að heilla blessaða dyraverðina....eða þannig!

Sem minnir mig á það að það er verið að gefa þessu liði alltof mikil völd með svona code-dæmi! Einn um daginn hleypti ekki nokkrum venjulega útlítandi stelpum inn því þær voru ekki nógu sætar, alveg nógu fínar, bara ekki nógu sætar! Og svo er verið að hleypa fermingarstúlkum inn því þær eru svo sætar! Þá vel ég nú frekar shabby bar þar sem fermingarstúlkur þora ekki inn. Gæti ælt í 14 metra boga!

En ég ætti nú kannski ekkert að vera að dæma þessar stúlkukindur mikið. Ég var nú sjálf farin að fara á Sjallan þegar ég var 15 ára en ég hef það mér til varnar að ég var ekki byrjuð að drekka, var byrjuð í framhaldsskóla og átti kærasta sem þurfti að fylgjast vel með. Og ég fór ekkert oft þá.

Lífið er þversögn!

Leiðinlegt, leiðinlegra, leiðinlegast!

2007-10-31T17:00:00.000Z

Baaaaa...!

Mér leiðist alveg hreint óskaplega þessa dagana...og finnst allt vera leiðinlegt.

Það er leiðinlegt.

Skuggablómssýningar gengu vel og aðsókn var góð.

Frumsýningarlokapartýið var skemmtilegt en ég var alltaf að lenda í einhverjum einkapartýjum inni í partýinu. Það var skrítið en skemmtilegt.

Hjárómur hefur ákveðið að hefja starfsemi aftur og er fyrsta verkefnið að syngja á Jóladagskrá Hugleiks í Þjóðleikhúskjallaranum.

En áður en að sú dagskrá fer fram er önnur dagskrá á sama stað um miðjan nóvember. Það er einþáttungadagskrá Hugleiks. Þar er maður búin að troða sér í tvo einþáttunga. Það er fínt.

Svo í desember verður Óperukórinn ofvirkur. Þá erum við að syngja á tónleikum með Garðari Thor og svo verðum við með árlegu Mozart Requiem tónleikana á dánarstundu skáldsins og að lokum verðum við með Dagamuninn okkar í desember.

Og svo er ég líklegast að fara að syngja á uppákomu hjá einhverju líknarfélagi í byrjun desember. Veit ekki meira!

Nóg að gera svo sem...

...langar bara svo að eiga frítíma.

Brought to you by Technicolor!

2007-10-22T23:23:00.000Z

Heimsku litir!

Ég er að lita kórbúningana...eiginlega búin að vera að því í allan dag...helmingurinn átti að vera fölgrænn...eftir fyrstu litun voru þeir GULIR!

Þá prófaði ég að setja meiri grænan lit og aðeins af gráu með...leit vel út þegar vélin byrjaði...en eftir alla rútínuna voru þeir enn GULIR!

Ég ákvað að geyma græna litinn aðeins og tók til við að lita hinn helminginn af búningunum sem áttu að vera gráir...ákvað að lita einn hvítan kjól sem ég var með sem ég ætlaði að lita svartan, en hvers vegna ekki bara að hafa hann gráan?

Gráu búningarnir komu mjög vel út...en kjóllinn var BLÁR!

Ha?

En aftur tók ég til við græna helminginn af búningunum og ákvað að setja smá grátt í viðbót og athuga hvort það yrði þá grátt með gulum undirtón.

Og útkoman varð að þeir urðu GRÁRRI en gráu búningarnir, þó að það væri 3x minna litarefni sem ég setti í!

Og núna er seinasta tilraunin í gangi og loksins virðast blessaðir búningarnir ætla að verða grænir....bara miklu miklu dekkri en þeir áttu að vera!

Í dag væri lífið einfaldara ef það væri svarthvítt!

Persónulegt met!

2007-10-19T13:07:00.000Z

Í nótt svaf ég í 15 tíma! Það er persónulegt met! Ég hefði örugglega sofið lengur ef Heiðrún hefði ekki hringt í mig og sagt mér að mæta á æfingu, en ég var orðin 2 tímum og seina á hana :o/

Þetta er búin að vera rosalega slítandi vika, en samt skemmtileg. Æfingar fyrir nemendaóperuna á fullu, enda frumsýning á miðvikudaginn! Og í frístundum mínum sauma ég búninga á liðið.

En sem sagt næsta miðvikudag frumsýnum við Skuggablóm, nýja íslenska óperu eftir Helga Rafn. Sýnt verður í Salnum í Kópavogi og bara tvær sýningar; frumsýningin á miðvikudaginn og lokasýning á fimmtudaginn kl. 20:00. Miðinn kostar ekkert og því um að gera að mæta tímanlega upp í miðasölu Salarins og tryggja sér miða. Óperan tekur ca. 45 mínútur í flutningi og er ekkert hlé.

Hlakka til að sjá þig ;o)

Djamm og djamm ofan!

2007-10-14T17:03:00.000Z

Úffff...seinustu vikur er búið að vera djamm hverja einustu helgi og oftast báða dagana! Og þá er ég ekki að meina bara svona "hei förum að djamma" heldur partý og veislur og dót sem maður þarf að mæta í! Það er búið að vera ógurlega gaman en þetta þreytir mann soldið vel! En eins og planið lítur út núna þá virðist ég ekki þurfa að mæta í neitt partý næstu helgi og það verða stífar æfingar hjá nemendaóperunni. Held þá að kvöldunum verði best varið í videogláp ;o)

Fór á föstudeginum með nemendaóperukrökkunum á Selfoss þar sem áætlað var að hrista aðeins upp í okkur og tókst það með eindæmum vel! Þeir sem mættu skemmtu sér konunglega!

Í gær var svo þrítugsafmæli hjá Steina og lögðum við mörg í púkk og gáfum honum fjársjóðskistu fulla af klinki! Mjög góð hugmynd sem ég held að Bylgja eigi heiðurinn af. Það var mjög fínt í afmælinu og fullt af fólki sem maður hitti. Svo áttum við Hjalti árs sambandsslitaafmæli sem þýddi að það er líka eitt ár síðan við Fannar prufuðum að byrja saman. Ég fékk koss á kinn frá þeim báðum í einu. Gaman að því! Um þrjúleytið var haldið niður í bæ þar sem leiðinn lá auðvitað á Kofann með örstuttu stoppi á Celtic. Maður dansaði frá sér vitið - bókstaflega!

En núna ætla ég að fara og sauma búninga á Skuggablómin, hlakka til að sjá hvernig hugmyndin mín mun koma út!

Túrílú!

Skórnir!

2007-10-11T23:58:00.001Z

Halla bað um mynd og hér hefur hún hana :o) Þeir eru samt enn viðkunnanlegri í eigin persónu ;o)

Vildi bara deila því með ykkur...

2007-10-08T21:44:00.000Z

...að nýju skórnir mínir eru komnir og þeir eru enn fallegri enn á myndunum!

Fattaði í morgun þegar ég var mætt á óperudeildaræfingu, drulluþreytt og með uppgefna rödd, að ég hafði skráð mig í prufu fyrir óperustúdíóið kl. 11:30

Það gekk eins og við var að búast miðað við aðstæður og býst ég ekki við að fá neitt að gera þar. En alltaf gott að æfa sig að fara í prufur, verð minna og minna stressuð í hvert skipti.

Og ég er að velta því fyrir mér að fara bar að sofa núna fyrir miðnætti...en hver veit hvernig það fer!?!?!

Stundum botna ég ekkert í sjálfri mér!

2007-10-08T00:21:00.000Z

Og þannig er það nú bara. En batnandi manni er best að lifa, ekki satt?

Margt smátt í gær og jesúsi minn hvað þetta var skemmtilegur dagur! Sá reyndar lítið af verkunum en held ég hafi náð flestu sem ég hafði ekki séð áður, enda var Hugleikur með meira en helminginn af atriðunum og ég var búin að sjá það allt saman áður. Hentum nokkur í eitt grímumauk í öðru holli sem tókst bara vel miðað við efni og aðstæður. Svo var kjötsúpupartýið frábært, súpan klikk góð og svo var Hraun með open mic þar sem Svavar Knútur var fjarverandi. Það var alveg ótrúlega skemmtilegt að góla í míkrafóninn og að hlusta á gólið í hinum :o) Fórum svo nokkur niður í bæ og þar var líka vibba skemmtilegt!

Svo heldur brjálæðið áfram. Núna í næstu viku verða óperudeildaræfingar á hverjum morgni frá 9-12 og líka á þriðjudagskveldið, sem er nú oftast eina fríkveldið mitt. Og ég þurfti að fá þá snilldarhugmynd að fara í upphristingsferð með óperudeildarliðið og vera yfir nótt, og það verður gert á föstudaginn og farið á Selfoss. Svo get ég aldrei setið á mér þegar mig langar að gera eitthvað og bauðst þess vegna til að sjá eitthvað um búninga í þessari blessuðu uppsetningu! Pffff...

En ég held ég fari að sofa núna svo ég drullist til að mæta einu sinni á réttum tíma á æfingu ;o)

Bíð í ofvæni eftir því að október klárist!

Tíminn líður hratt...

2007-10-03T20:34:00.001Z

...alltof alltof alltof hratt!

Er veik í dag og það er bara nokkuð gott því ég er búin að sofa í allan dag! Vá hvað ég þurfti á því að halda! Samt vont að missa af tónheyrnartíma, óperudeildaræfingu og kóræfingu.

Og svo fékk ég miða á Spice Girls tónleikana!!! Sjibbí! Þær ákváðu að hafa aukatónleika í janúar og þann 13. janúar verðum við systur á tónleikum með þeim! Shit hvað ég hlakka til!! Langaði þetta alltaf svo þegar ég var yngri og dýrkaði þær...og mér finnst enn gaman að hlusta á þær við og við...voða stelpuleg og hress tónlist sem kemur mann alltaf í gott skap ;o)

Annars lítið að frétta. Október verður hektískur enda verið að rigga upp einni nýrri óperu á 4 vikum! Skil ekki afhverju þetta er gert svona...líklegast svo fólk þurfi ekki að missa of mikið úr vinnu, en væri ekki betra að hafa lengri æfingatíma með minna stressi? Og kannski að fá þetta viðurkennt sem háskólanám frá 6. stigi? Bara hugmynd...!

Margt smátt er næstu helgi, eða á laugardeginum. Það er einþáttungahátíð BÍL og í ár taka 6 áhugaleikfélög þátt í henni. Sýnir er með tvo, eða réttara sagt sögurnar tvær sem voru í sýningunni í sumar, og Hugleikur er með 8 minnir mig. Svo verða þarna Mosó, Freyvangur, Halaleikhópurinn og Kópavogur...minnir að það séu ekki fleiri. Nánari upplýsingar eru á leiklist.is
Ég verð að leika þar, þar sem að Una sá sér ekki fært að vera með. Er því að læra tvö hlutverk einn tveir og tíu en það er nú bara gaman. Þarf líka að sauma einn búning og redda nokkrum hlutum.

Svo á Kolli bróðir afmæli í dag! Orðinn 32 ára gamall og óska ég honum til hamingju með það!

Fann skó á myspace uppboðssíðu um daginn sem ég kolféll fyrir! Og ég bauð í þá en bjóst við að þeir myndu enda á verði í kringum 20.000 kallinn og bjóst ekki við það að fá þá, þar sem ég skít ekki peningum og á engin peningatrém, en viti menn! Ég fékk þá! Býst við að pósturinn komi með þá ekki á morgun heldur hinn! Og fuck hvað þeir eru flottir!

Föt eru að verða einskonar söfnunarthing hjá mér. Þegar ég bjó á Garðastrætinu voru allir kjólar og peysur og pils hangandi á slá við fótagaflinn hjá mér og stundum lá ég bara í rúminu og dáðist að þeim :oþ Og ég elska að skoða uppboðssíður á netinu og fara á markaði og finna eitthvað soldið einstakt :o) Nammi!

En jæja ANTM er að byrja...hasta la vista!

Strax kominn þriðjudagur?

2007-09-25T17:57:00.000Z

Stundum skil ég ekki alveg hvernig heimurinn virkar. Oftast gefur hann minna af sér en hann tekur. Allavega upp á síðkastið (sem er alveg rosalega vítt hugtak). Ætli þetta eigi ekki allt eftir að koma heim og saman þegar maður er orðinn gamall. Lítur yfir farin veg og sér þá hvernig allt sem manni fannst ömurlegt var í raun ekkert svo ömurlegt því ef það hefði ekki gerst hefði ekki eitthvað annað ömurlegt gerst og svo annað ömurlegt og eitt enn og svo eitt gott sem var svo frábært og magnað að tilgangurinn varð ljós. Svo er það nú líka svo að góðir hlutir hafa meiri áhrif á mann en vondir. Kannski þess vegna sem að vondir hlutir koma oftar fyrir en góðir?

Mér líður samt vel í dag :o) Er búin að vera að vinna vel í skólanum og það skilaði sér í Deildinni áðan :o) Var að syngja þar og það gekk nú líka svona glimrandi vel. En alltaf hægt að bæta og slípa, ó já mikil ósköp! Maður hættir því aldrei, vinnur með sum lög alla ævi.

Helgin var rússíbani. Á föstudagskveldinu hitti ég Eddu, Sólveigu, Ásdísi, Möggu, Ottó og fullt af öðru liði sem var á Laugum. Það var mjög gaman enda hef ég ekki hitt þau endalaust lengi! Halla, Helgi og Gulli kíktu á okkur og voru með þvílíkan entrance sem verður aldrei aftur endurtekinn! Svo kíkti stóðið niður í bæ og hópurinn splittaðist upp.

Á laugardeginum var kíkt í partý til Eyþórs vinar Helga. Ég hef nú ekki mikið um það að segja þar sem ég var eiginlega andlega fjarverandi og fór snemma heim.

Á sunnudagskveldið hitti ég pabba. Hann bauð okkur Fanney út að borða á Tapas og svo kíktum við á Heiðu og strákana á Frakkastíginn. Ég vona að ég komist norður fljótlega, þarf sannarlega á því að halda.

Og núna er önnur skólavika hafin og allt á fullu.

Ætla að reyna að finna tvö lög eftir Jórunni Viðar svo ég hafi hugmynd um hvernig þau hljóma!

Seeya!

Heyrðu já!

2007-09-21T18:53:00.000Z

Maður ætti kannski að blogga?

Ég var varla að muna leyniorðið mitt hingað inn, því það er svo langt síðan ég bloggaði!

Held það sé best að fara skipulega yfir það sem á daga mína hefur drifið frá því síðast:

Köben:
Var góð eins og búast mátti við. Mér er þó meinilla við almenningssamgöngur þar, mest vegna þess að upplýsingarnar sem maður fékk voru oftast ekki réttar! Já, og í rauninni fékk maður aldrei réttar upplýsingar ef maður spurði að einhverju! Stórfurðulegt!
Fyrsta deginum var eytt á Strikinu og þá helst í H&M eins og góðum Íslendingi sæmir. Vorum þar inni í 3 tíma held ég og þá átti sá stómerkilegi atburður sér stað að Fanney keypti sér meira af fötum en ég og var enn í essinu sínu eftir 3 tíma en ég var orðin þreytt og leið á þessu! Ákváðum að kíkka í bíó um kveldið en það er bara hrottalegt maus að fara í bíó þarna ef maður er ekki með danskt kort og svo kunnar þeir heldur ekki að telja!
Annan daginn var auðvitað farið á skyldustað nr. 2 sem er Tívolíið. Vorum komnar áður en það opnaði en þurftum bara að bíða í 10 mín. eða svo. Þustum þá inn og hringsóluðum í þeim fáu tækjum sem opnuðu þá...restin opnaði tveim eða þrem tímum seinna! Fengum okkur líka Smörrebröd á meðan við biðum. Þetta tívólí er stórfurðulegt þar sem adrenalíninu leyfist aldrei að fara af stað...ætli þetta eigi ekki að kallast fjölskylduvænt. En þetta var skemmtilegt engu að síður. Já og Danir gera magnaðan súkkulaðiís!! Fórum svo heim og sofnuðum, vöknuðum og fundum okkur mat, átum og sofnuðum svo aftur.
Og þrátt fyrir mikin svefn náðum við að sofa yfir okkur í morgunmat! Ákvaðum að eyða þriðja deginum í safnarölt. Fórum á Ripley's believe it or not, H.C. Andersen og Guinnes world records. Allt saman mjög skemmtilegt og fræðandi þó svo að maður væri eiginlega búin að fylla upp í fræðslumeðtökukvótann á fyrsta safninu, sem var Ripley's. Hefði viljað eiga meira inni fyrir H.C. Andersen en náði þó að graspa eitthvað þar. En í Guinnes fór flest allt fyrir ofan garð og neðan nema þegar kom að vaxmyndastyttunum af konungsfjölskyldunni því þar vantaði hendur og hausa á nokkra fjölskyldumeðlimi, og láu limirnir í kringum það bæði í plasti og berir. Ég hefði bara verið soldið móðguð ef ég hefði verið dani. Á leiðinni heim lentum við síðan inni í skartgripabúð þar sem Fanney fór aftur á meira flipp en ég.
Um kveldið var svo komið af óperunni sem er hryllingsferð sem ég vil helst ekki rifja upp. Óperan sjálf var fín þó svo að uppsetningin meikaði lítið sens og orsakaði nokkur "Bú" frá nokkrum gestum, en það var í fyrsta sinn sem ég hef heyrt búað á sýningu og var það skringileg upplifun...vona að maður eigi helst ekki eftir að lenda í því að það sé búað á mann.
Daginn eftir var svo flogið heim.

Nemendaóperan:
Fékk ekki að syngja fyrir og var sett beint í kórinn. Ekki mikið meira um það að segja. Mér líst stórvel á þessa óperu hjá honum Helga og hlakka til að heyra meira :o)

Flutningar:
Tók þá ákvörðun eftir 6 mánaða ígrundun að flytja til múttu. Sá bara ekki fram á að geta stundað námið af því kappi sem Signý býst við og vinna 3-4 kvöld í viku. Það gangur bara ekki upp andlega séð að vera í skólanum 9 tíma á dag og vinna svo í 6 tíma.. og vera á kóræfingum 2x í viku (en ég tel það vera part af náminu mínu ar sem það nýtist mér vel). Ég var að missa vitið eftir 2 vikur því ég er bara mikil félagsvera og er líka farin að þurfa að eiga frítíma til að slaka á.
Þannig að núna er ég í miðjum flutningum og herbergið mitt að vera voða sætt og lekkert. Hlakka líka til að vera á hollu heimilisfæði :o)

Ballett:
Við erum 15 stelpur í Söngskólanum sem tókum okkur til og ákváðum að byrja að æfa ballett saman. Við fengum inn hjá ballettskóla Eddu Scheving og erum sérhópur þar inni. Æfum 1x í viku og höfum endalaust gaman :oD Hlógum mikið mikið í gær! Og vá hvað þetta tekur á!!! Minn rass og mín læri! Manni langar helst bara til að vera 2x í viku!

Annað sem hefur skeð:
Hrauntónleikar á Næsta bar sem voru mjög skemmtilegir. Það er bara alltaf gaman á Hraungiggum!
Ég stend í lífgunartilraunum á verslunarsíðunni minni - myspace.com/zeta_clothes
Ég kláraði 100 ára einsemd and loved it! Fallega fallega fallega skáldsaga með samt svona mörgu ljótu í. Venjulegheit sem eru samt ævintýraleg. Hvet ykkur til að lesa hana.
Sótti um nýja vinnu - segi meira frá því seinna.

Held það sé ekki fleira en minnið er nú bara eins og það er!

Köben

2007-09-12T01:03:00.001Z

Já, er á leiðinni til köben eftir 3 tíma :oD

Heyri í ykkur eftir helgi!

Verið góð við hvort annað og elskið friðinn!

Yours truly

Veturinn

2007-09-08T17:09:00.000Z

Undanfarið hefur fólk mikið verið að spyrja mig hvernig veturinn leggist í mig. Satt best að segja leggst hann ekki vel í mig því mér finnst hann fullur af skyldum en ekki skemmtun. Þegar ég segi fólki þetta verður það alveg steinhissa og spyr hvernig það geti verið? Og þá fór ég að hugsa hvernig stæði á þessu? Ég er í draumanáminu mínu og gengur vel, ég er að syngja með æðislegum kór og það eru mörg skemmtileg verkefni á dagskrá þar og svo er ég í tveimur varastjórnum. Það eina sem breytist frá seinasta vetri er að ég ætla ekki að taka þátt í stóru leiklistarverkefni og verð ekki í nemendafélgasstjórn í Söngskólanum því í vetur ætla ég að einbeita mér að söngnum. Enda sagði Signý við mig í seinasta tíma: Jæja Jenný, núna ertu búin að sanna þig í félagsmálunum, núna er komið að söngnum."

Málið er bara að söngurinn er mér hjartans mál og eitthvað sem ég vil leggja fyrir mig, ekki bara áhugamál eins og stjórnunarstörfin, og því er ég svo dauðhrædd við hann. Frekar klikkað!

Seinasta vetur upplifði ég alltaf fáránlegan sviðsskrekk í hvert sinn sem ég átti að syngja fyrir fólk jafnvel þó ég sé orðin þokkalega sviðsvön. Ég dæmdi sjálfa mig líka alltaf hart og var aldrei ánægð með neitt sem ég gerði. Því veldur söngurinn mér núna kvöl frekar en gleði og í þau fáu skipti sem ég hef leyft mér að syngja í skólanum ánægjunnar vegna þá fær maður hrúgu af gagnrýni yfir sig fyrir að hafa ekki hugsað nógu vel um stuðninginn, raddbeitinguna, dýnamíkina, línuna, o.s.frv.

Ég er ekki að segja að ég þurfi að hugsa endalaust um þetta allt þegar ég syng því mikið af þessu er komið að einhverju leiti inn í systemið en maður getur alltaf gert betur. Og ég veit líka að það er starf kennarans að benda manni á það sem fór miður.

Þegar söng á nemendatónleikum annan veturinn sem ég var í skólanum tókst mér algerlega að gleyma mér í söngnum. Það var magnað og Signý og Lára voru mjög ánægðar með það og sögðu mér það. Það er akkúrat það sem ég vil upplifa. Náði þessu líka á einni sýningu á Galdraksyttunni og þá fann ég líka hversu vel líkaminn var að vinna og ég svitnaði meira en ég hef gert nokkru sinni á ævinni! Þetta er líka eitt mesta kikk sem ég hef fengið...Úfff! Besta tilfinning í heimi!

Þannig nú hefst leitin að gleðinni í söngnum. Og merkilegt nokk þá vekur það upp tilhlökkun fyrir vetrinum.

Gleðilegan september!

2007-09-01T14:46:00.000Z

Þessi vika er búin að vera svo lengi að líða! Enda hef ég ekki verið að drukkna í verkefnum og svo er ég líka bara að bíða eftir að skólinn byrji og þá er tíminn leeeeeengi að líða.

Jei, e-takkinn á tölvunni er að bila!

Er búin að vera að fylgjast með masterklössum hjá Elisabeth Meyer-Topsöe alla vikuna og hún er mjög klár. Kíkti líka í einn tíma til hennar og hún er algert yndi. Kenndi mér nýja aðferð við að læra lög sem ég er að tékka á núna. Það tekur reyndar svona 300x lengri tíma að læra lögin en það á að skila sér í túlkun, framburði og orðamyndun.

Er svo byrjuð í Rope Yoga á fullu. Finnst ég ekkert smá dugleg að geta vaknað sjálf og mætt í tímana sem eru klukkan 7:50 mánudaga, miðvikudaga og föstudaga. Þetta er svo fyrir allar aldir! Vinnur líklegast með mér að það er enn bjart úti á þessum tíma.

Í gærkveldi var smá söngfuglapartý hjá mér. Það var semi-rólegt og fínt. Sumir drukkur og hratt, aðrir og hægt. Spiluðum, horfðum á YouTube, fengum okkur hamborgara og töluðum. Kíktu aðeins niður í bæ en flestir stoppuðu mjög stutt þar. Sjálf var ég komin heim rúmlega þrjú, var engan vegin að nenna þessu. En það eru myndir í myndalinkunum hér til hliðar.

Svo er það bara vinnan eftir klukkutíma og lærdómurinn tekinn þar og svo eru tvö partý á plani í kveld.

En held ég fari núna að henda flöskum og vaska upp.

Haust

2007-08-26T17:47:00.001Z

Þá er ég komin í sokka og það þýðir að það sé komið haust.

Held að þetta sé besti tíminn á árinu. Verst bara hvað dagarnir eru lengi að líða þar sem maður situr bara í bíður eftir að skólinn verði settur, leiksýningar og óperur frumsýndar, tónleikar haldnir og rútínan komist í gang.

Er fyrir norðan í þessum töluðu orðum. Það var haldið eitt stykki ættarmót um helgina. Hamramenn hittust og glöddust saman, og þessi ætt kann sko að gleðjast!

Það brakar og brestur reyndar í skrokknum við minnstu hreyfingu, og er þannig hjá öllum en vilja flestir meina að Freydís Anna eigi þar mestan hluta í máli þar sem hún stjórnaði leikjum á Hamratúninu af stakri snilld. Held þó að fólk geti að einhverju leiti kennt sér sjálfum um þar sem mikið keppnisskap einkennir þessa ætt. Veit ekki alveg hversu góð hugmynd það er þá að láta alla keppa í leikjum á móti hvert öðru.

En eins og þessi ætt getur verið skapheit þá voru allir í sínu blíðasta formi um helgina og það var mikið gaman.

Þetta verður svo endurtekið eftir þrjú ár.

Á morgun hoppa ég svo heim, kem of seint á masterklassa og fer í einkatíma hjá Elizabeth Meyer-Topsöe. Er svo engan vegin í söngformi þessa dagana en maður lærir víst líka á því þar sem að söngnám snýst aðallega um að geta líka performerað vel þessa 358 daga á ári sem maður er ekki í toppformi.

Og þannig var það nú.

Andvökunótt og bók

2007-08-22T01:44:00.000Z

Æji, ég er andvaka!

Oftast er mér sama, því ég er frekar mikill nátthrafn, en þegar ég þarf að mæta í vinnu daginn eftir þá fer það í taugarnar á mér. Finnst erfitt að fara í gegnum daginn lítið sofin.

Þetta pirrar mig líka því ég þurfti að kljást við þetta vandamál næstum allan seinasta vetur.

Er að lesa bók núna sem er svo falleg, jafnvel þó það sé margt ófallegt í henni. Orðalagið er bara svo fallegt og svo hreinskilið sagt frá tilfinningum og hugsunum. Hef lengi ætlað að lesa þessa bók og loksins lét ég verða af því. Hún heitir Hundrað ára einsemd og hef ég heyrt svo vel af henni látið að ég varð að lesa hana. Líkist kannski soldið Heinesen.

Ég er loksins farin að sinna gömlum áhugamálum aftur, eins og að lesa bækur og horfa á bíómyndir. Líður rosalega vel með það! Var farin að sakna þeirra en ég fann aldrei eirð í mér til að horfa á mynd eða lesa bók...það var eins og mér fyndist að ég ætti að eyða tímanum í eitthvað nytsamlegra...og eins skrítið og mér finnst það þá var það þannig!

En núna ætla ég að reyna aftur að sofna...eða halda áfram að lesa.

Ég elska tölvuna mína!

2007-08-18T04:46:00.000Z

Reyndar er þetta ekki tölvan mín...ég er samt eiginlega bara búin að eigna mér hana, meira að segja búin að nefna hana. Hún heitir Muriel the Maid.

Ég elska tölvuna mína því í henni get ég talað við annað fólk, bæði strax og líka skrifað eitthvað sem það les seinna, bæði sérstaklega til einhvers eins, til valins hóps eða eitthvað sem allir í heiminum geta séð (en aðeins um 300.000 manns skilið).

Einnig get ég hlustað á allskonar tónlist þó svo ég eigi hana ekki...en þá má ég líka ekki vera of pikkí. En ef ég vil heyra eitthvað sérstakt lag getur hún líka séð til þess að ég fái að heyra það.

Svo get ég horft á þætti og bíómyndir! Það er eiginlega best! Get horft á það sem ég á og líka fullt af dóti sem ég á ekki! Þetta er eiginlega besti fítusinn og sá sem yljar mér mest um hjartarætur.

Næst besta atriðið eru öll fötin sem ég get skoðað!!!! My oh my! Ég elska föt! Elska að skoða snið, efni og liti! Er voða lítið farin að fara út fyrir MySpace í þessum efnum en fikra mig hægt og smátt út í hinn stóra heim netverslunar. Best finnst mér að ná í hluti sem kosta ekki mikið en eru gebbað flottir!

Margir nota tölvuna sína til að njósna um fólk...ég hef lítið notað það en það getur verið ágætis dægrastytting...en þá veit ég líka að ég er farin að eiga alltof mikin frítíma og tek þá við einhverju félagi til að stjórna ;o)

En það er alltaf gaman að gera fylgst með vinum og félögum án þess að þurfa að hafa of mikið fyrir því eða þurfa að pæla í hvaða tími sólarhringsins sé.

Og núna er ég löggst upp í rúm með elskuna mína og ætla að horfa á einn þátt eða svo :o)

Verið betri hvort við annað...og vakið lengur!

Nei sko!

2007-08-09T23:57:00.000Z

Blogg fyrir Fiskidaginn!!! Ekki bjóst ég nú við þessu!

En rigningin blés mér andagift í brjóst...og það að ég nenni ekki strax í sturtu því ég get ekki hætt að hugsa um hvað ég á eftir að gera margt í nótt áður en ég fari að sofa, sem er slæmt því ég fer að vinna í fyrramálið og þarf svo að keyra norður strax eftir vinnu og býst við að vera vakandi eitthvað frameftir á morgun :o/

Þannig til að verða örugglega örmagna næstu nótt þá hef ég ákveðið að blogga!

Langar mest til að leggjast út og láta rigna á mig. Elska svona hellidembu!

Þegar ég var lítil bjó ég í Álfalandinu eitt sumar með pabba og Fanneyju. Þar vorum við hópur ef 10-15 stelpum sem vorum alltaf að leika okkur saman. Í þau fáu skipti sem það kom svona hellidemba hættum við öllu strax, hvort sem við vorum í Fallinni spýtu, hestaleik, horfa á þyrluna taka á loft eða lenda eða bara að rölta, og hentum okkur á næstu stétt og stóðum ekki upp fyrr enn allt var orðið vott í kringum okkur og þá sáum við för, mis-súrrealísk, nákvæmlega mótað eftir legu líkama okkar.

Þetta var voða mikið sport og fyllti mann orkumikilli gleði. Og alltaf þegar ég lendi í svona hellidembu nú til dags langar mig bara að henda mér í jörðina og finna regndropana lenda á andlitinu og gegnbleyta fötin hægt og rólega.

-----------------------------------------------

Ég er í furðulegustu vinnu sem ég hef unnið. Þetta er líklega bara ein furðulegasta vinna sem til er.

Ef ég ætti að lýsa vinnunni minni í einni setningu myndi ég segja að ég ynni við að þurrka upp svita eftir annað fólk, því hún snýst aðallega um það. Og það er skrítið að vinna við ÞAÐ.

Um daginn var viðsiptavinur sem brann svakalega á rassi og efra baki. Honum fannst ekki nóg að sýna mér bara bakið heldur þurfti hann líka að sýna mér rassinn á sér! Og til að toppa allt þurfti ég að vera nokkrar umferðir af After Sun á hann (samt bara á bakið, sem betur fer!).

Fólk gengur líka um á handklæðinu einum fata eins og ekkert sé, bæði karlar og konur í bland. Skemmtileg stemming sem myndast við það!

Svo er ég orðin býsna fróð um hin og þessi krem, eitthvað sem ég hefði annars aldrei sett mig inn í. Við systurnar stóðum okkur svo að því um daginn að vera að ræða þessi krem af ákafa um daginn, en munum aldrei viðurkenna að við vitum eitthvað um þetta.

Svo þarf ég að fara í ljós. Ef ég er ekki brún og sæt þá tekur viðskiptavinurinn ekki mark á því sem ég er að reyna að selja honum, satt og sannað! Það hlýtur að vera innifalin áhættuþóknun í laununum.

-----------------------------------------

Ég er í nýrri tölvu núna. Ný tölva er kannski ekki rétt þar sem þetta er tölva sem mamma er búin að eiga lengi. Samúel Gaylord er við það að gefa upp öndina, er farinn að deyja 3x á dag. Hann deyr líka ef ég fer inn á síður þar sem er mikið af svona Flash-dóteríi...ég get ekki verið inni á www.MySpace.com , því þar eru einhverjar leiðinda auglýsingar, get ekki farið inn á www.director.is því hún er bara of kúl fyrir Samma gamla, get ekki horft á neitt á www.tv-links.co.uk , því að spila video er bara of erfitt, og fullt af fleiri síðum sem ég man ekki eftir akkúrat núna. Stundum deyr hann líka bara alveg að sjálfu sér!

-----------------------------------------

Jæja, þetta er orðið ágætlega langt blogg um ekkert og slefan, sumsé sturtukvikindi heimilisins, bíður ekki að eilífu...eða hvað?

Krossfest, dáin og grafin!

2007-08-06T20:58:00.000Z

Ég er þreyttari en ég hélt að væri hægt án þess að gefa upp öndina!

Erfið helgi að baki sem var samt ótrúlega skemmtileg þrátt fyrir yfirfylli af óvæntum uppákomum!

Erfið helgi framundan...vonandi samt ekki jafnerfið og seinasta helgi!

Vakandi manns draumur gekk vel og líka Rauðhetta...minni á seinustu sýningu í Reykjavík þriðjudaginn 7. ágúst kl. 19:00 í Öskjuhlíð.

Það erfiðasta við að læra er það að vera vitlaus rétt á meðan...
...en maður er þó fróðari eftir á.

Efast um að bloggþörfin hellist það sterklega yfir mig næstu vikuna að hún yfirvinni svefnþörfina.

Heyri í ykkur eftir Fiskidaginn mikla!

Frumsýningarhrollur!

2007-07-30T00:47:00.000Z

Jæja, þá eru bara þrír dagar í frumsýningu hjá Sýnum, ef maður telur frumsýningardaginn sjálfan með. Sýningin heitir Vakandi manns draumur og er unnin upp úr tveimur þjóðsögum um álfa.

Það er komin frumsýningarhrollur í mann...og þetta er algerlega ný gerð af frumsýningarhrolli! Hef aldrei tekið þátt í uppsetningu þar sem ég er ekki eitthvað inni á sviðinu. Skemmtileg ný reynsla.

Mér hefur líka aldrei fundist ég eiga svona mikið í sýningu. Ég hafði enga hugmynd (eða ókei kannski obbuponku) um hvað ég var að fara að gera þegar ég tók að mér að vera formaður Sýna og sjá til þess að eitthvað yrði gert. Ég hafði mikla reynslu af stjórnarsetum og formennsku, en aldrei í leikfélagi! En svo settist ég bara niður, skipulagði mig og svo var ég líka svo heppin að vera umkringd fólki sem var endalaust boðið og búið að hjálpa manni. Og sem betur fer voru fleiri sem vildu að leikfélagið lifði áfram.

Núna er svo allt að skríða saman, eða kannski frekar stökkva saman. Það virðist vera að okkur hafi tekist, með góðri samvinnu, að koma upp lítilli, fallegri sýningu sem ég vona að þið komist að sjá.

Frumsýningin er núna á miðvikudaginn, 1. ágúst, í Öskjuhlíðinni í hermannaaðstöðunni rétt við Keiluhöllina.

Aðrar sýningar eru:

4. ágúst á Hamarkotstúni á Akureyri
6. ágúst í Öskjuhlíðinni
7. ágúst í Öskjuhlíðinni
11. ágúst á Fiskideginum Mikla á Dalvík

Sýnir og sólbaðstofan

2007-07-25T11:58:00.000Z

Jæja, það er greinilegt að það er búið að vera nóg að gera hjá mér seinustu daga!

Vann í 7 daga straight, sem er ansi mikið fyrir bakið ef maður er að bogra við að þurrka upp svita eftir fólk! Mikið líka búið að þurfa að sinna Sýnum, fórum t.d. í æfingaferð til Selfoss seinustu helgi og þar leið mér eins og heimavinnandi húsmóður á risastóru heimili! Tók til mat fyrir þau, vaskaði upp eftir þau og saumaði föt á þau ;o) Það var samt rosalega gaman og vann fólk mjög vel þessa helgi.

Svo er bara að hnýta nokkra lausa enda fyrir frumsýninguna sem verður 1. ágúst næstkomandi í Öskjuhlíðinni.

Alltaf gott að vera í leikfélagi því þá er eins og maður eigi aldrei lausa stund :o)

Við verðum svo á Akureyri um Verslunarmannahelgina, bæði með leikritið okkar og barnaatriði á lokadæminu.

Og verðum auðvitað líka á Fiskideginum Mikla með leikritið og götuleikhúsið.

Ég er að fara norður þrjár helgar í ágúst. Er að velta því fyrir mér að splæsa í flug eina af þessum helgum því ég nenni eiginlega ekki alveg að vera að keyra 3x fram og til baka...er alveg að fá nóg af þessari leið...kannski líka út af því að í svona 50% tilvika er ég að keyra hana ein!

Er að passa kettina hans Sigga á meðan hann er úti í Kóreu...þau eru voða sæt og frekar forvitin ;o) Eru búin að eigna sér stóra púðann ofan á kassanum sem geymir Myspace-fötin og stundum er Snæfríður svo frek að hún leyfir ekki Bjarti að vera þar líka...samt er þetta humongus púði!

En jæja, verð að fara að hefjast handa ef ég á að klára eitthvað af þessu sem þarf að klárast, helst í gær.

Súl súl!

Stiklað á steinum

2007-07-09T20:29:00.000Z

Jæja, þá hefur maður aftur ekkert að gera. Ég er samt ekki jafn eirðarlaus og í gær :o)

Ætla að stikla hérna á því skemmtilega sem hefur skeð þessa dagana.

Fór á útgáfutónleikana hjá Ljótu Hálfvitunum og stemmingin var dúndur! Líka gaman að sjá þá loksins á sviði sem var nógu stórt fyrir þá ;oÞ Einir skemmtilegustu tónleikar sem ég hef farið á! Fór líka í útgáfupartýið eftir tónleikana og það var líka óendanlega skemmtilegt þó svo að Bakkus hefði alveg mátt vera fyrirferðaminni.

Fór í gærkveldi á opna æfingu á Memento Mori. Þetta var í þriðja sinn sem ég sé þessa sýningu og ég elska hana! Svo falleg sýning! Hún gerir mig hamingjusama svona eins og Amelie og Canto de Iemanja :o)

Á laugardaginn giftu mamma og Gulli sig :o) Athöfnin innhélt yfirlið, krjúp-vandamál og nokkur já og svo var farið upp í Hvalfjörð á Hótel Glym og þar vorum við með sal út af fyrir okkur þar sem við borðuðum, drukkum, glöddumst og spiluðum Trivial Pursuit til klukkan fjögur um nóttina ;o)

Svo er ég búin að hitta norðan-familíuna aðeins seinustu daga og er það og allt ofangreint það merkilegasta sem hefur verið að gerast hjá mér :o)

Er að spá í að fara að fá mér eitthvað aðeins í mallann og tebolla og fara síðan að lesa smá í The Rough Guide to Opera, svona svo maður viti eitthvað í sinn haus ;o)

Og er ég sú eina sem vill vera plönuð sem 3-4 mánuði fram í tíman?

Þankagangur í boði hússins

2007-07-08T23:39:00.001Z

Voðalega fer sumarið í taugarnar á mér! Fæ miklu frekar þunglyndis-tendensa á sumrin en veturnar! Get alveg orðið vitlaus.

Sérstaklega er sumarið erfitt hérna í borginni. Það einhvern vegin er bara. Ekkert meira.

Ég varð alveg rugluð í hausnum seinasta sumar og það var frekar erfiður tími og núna í sumar virðist það bara að vera að endurtaka sig. Nema munurinn er að núna er ég að taka eftir því.

En voðalega er þetta leiðinlegur tími.

Finnst að við ættum frekar að taka svona frí í desember-febrúar. Það er alveg gráupplagt að leggjast í dvala á þeim tíma árs og nýta svo sumarið í nám og starf. Kannski á þessi skoðun mín eftir að breytast eftir að ég er komin út á vinnumarkaðinn en núna er þetta skoðun mín.

Mér finnst allavega lágmark að bjóða manni upp á það að vera í skólanum á sumrin...já og án þess að maður færi á hausinn við það!

Sem minnir mig á annað sem er óréttlátt og það er að tónlistarnemar fá ekki námslán fyrr en á 8. stigi!!!! Það er rugl og bull og vitleysa! Þetta er orðin mikil vinna á 6. stigi...alveg jafn mikil og ef maður væri í háskóla...allavega í Söngskólanum í Rvk, FÍH og Tónó því þessir skólar (og kannski fleiri) bjóða upp á tónlistarnám á háskólaleveli án þess að það sé að fullu samþykkt!

Þetta er bara vitleysa og hananú!

Íslendingar eru voða stoltir af tónlistarfólkinu sínu...en ekki fyrr en það er farið að gera eitthvað merkilegt og er búið að streða og streða án mikillar hjálpar!

Og þá að öðru.

Voðalega er þetta "bara" leiðinlegt. Eins og í: Ertu bara að vinna? eða: Ertu bara í söngnum?

Mér finnst þetta voðalega leiðinlegt innskotsorð í svona setningar. Þær eiga það til að draga út sjálfstrausti fólks og margt fleira...samt tekur fólk ekkert eftir að það segi þetta...þetta er einhvern vegin fast í málnotkuninni. Ég ætla allavega að reyna eftir fremsta megni að sleppa þessu "bara" orði í svona setningum. Endilega gerið grín að mér ef ég gleymi því ;o)

Mér leiðist og þá bara spjalla ég við sjálfa mig hérna á blogginu :o)

Sem betur fer er myndavélin mín ónýt eða biluð eða eitthvað. Það var nefnilega þannig eftir að ég flutti til RVK (og sossum líka stundum fyrir norðan) að ef mér leiddist þá tók ég bara upp myndavélina og fór að taka myndir af mér...svona að æfa myndasvipinn ;o) Einn daginn ákvað ég svo að taka til í myndasafninu í tölvunni og þá átti ég yfir 900 myndir sem ég hafði tekið af sjálfri mér þegar mér leiddist...er að komast á þá skoðun að ég sé eitthvað aðeins meira en léttbiluð ;o)

Í sumar er ég að læra að eiga frítíma...Það er erfitt...Þess vegna er ég frekar eirðarlaus þessa dagana! Þetta er að gera mig vitlausa! En held ég verði að læra þetta því ég var nú eiginlega að ganga að mér dauðri! Var hættulega nálægt taugaáfalli tvisvar sinnum í vetur og ákvað þá að klára að sem ég var búin að lofa mér í og læra síðan að segja nei!

Mér fannst alltaf frekar erfitt að segja nei...kannski er það af því ég á foreldra sem sögðu afskaplega sjaldan nei við mig...ég veit ekki...en allavega átti ég mjög erfitt með að segja nei. En núna er ég að læra það...er búin að vera að læra það svona seinustu tvö ár og er alltaf að bæta við nýjum og nýjum levelum í það. Stundum getur það samt verið hrottalega erfitt! Ég er nefnilega oftast að segja nei við hlutum sem hljóma skemmtilegir og spennandi en einhvern vegin er það nú svo (og mjög skrítið) að ef maður segir já við öllu sem manni finnst skemmtilegt þá endar það bara í flækju...þannig maður má ekki bara gera það sem er skemmtilegt...er það þetta sem kallast að verða fullorðinn? Að hætta að gera BARA það sem er skemmtilegt...Er það að fullorðnast að gera líka leiðinlegu hlutina? Ætti það þá ekki að þýða að það sé leiðinlegt að fullorðnast?

Held að maður þurfi bara að gera upp við sig hvort manni finnst betra og skemmtilegra; að gera bara það sem maður vill og finnst skemmtilegt eða að gera líka það sem er leiðinlegt og erfitt og hafa lífið aðeins einfaldara.

Og ég veit alveg hvort ég vel...þó svo maður renni stundum aðeins í hina áttina...enn sem komið er ;o)

Og ég er auðvitað að gera þetta soldið svart og hvítt hérna ;o)

Held ég láti staðar numið hér og fari að hitta vinkonu mína hana Meredith Grey sem virðist vera á svipuðum stað í lífinu og ég ;o)

Hafið það gott masstíurnar mínar og verið góð við alla (nema þá sem eru vondir við ykkur)!

WHAT THE FUCK!

2007-07-05T17:17:00.000Z

Ok, bara eitt í viðbót...

..Spice girls ætla að velja af handahófi þá sem fá miða á tónleikana þeirra...svona svo þetta sé sanngjarnt!

Hvað í andskotanum! Mér finnst það bara ekkert sanngjarnt! Já ég vil fara á þessa tónleika! Ég elskaði þær og skammast mín ekkert fyrir að hafa gert það! Og mig langar svo endalaust mikið að fara á tónleika með þeim því aldrei náði ég því hérna í den!

Núna langar mig kannski bara ekkert lengur!

Sanngirnilegt hvað?!?!

Óðurinn til gleðinnar

2007-07-05T16:31:00.000Z

Heh bloggerinn búinn að vera opinn hjá mér í svona hálftíma því ég ætlaði að fara að blogga og narta í smá hrökkbrauð á meðan eeeeen ég var svo svöng að ég bara gúffaði þeim í andlitið á mér!

Er í betra skapi í dag enda búin að vera að vinna á fullu!

Ég bara kann ekki að eiga svona mikin frítíma!

Þetta er hræðilegt! T.d. í gær gerði ég ekkert af viti. Hékk með múttu allan daginn og svo fór ég og hitti Völu vinkonu! Og svo horfði ég á tvo þætti af Grey's Anatomy þegar ég átti að vera löngu farin að sofa!

Því í morgun þurfti ég að mæta rétt fyrir 8:00 í vinnuna og það er mér afskaplega erfitt að vakna á milli 7 og 10 á morgnana...Næstum ógerlegt...en fyrir og eftir þann tíma er það kökubiti!

Svo er bara meiri hluti fjölskyldunnar á landinu og það í borginni þessa helgina! Enda ALLT að gerast þessa helgi! Landsmót og leyndó! Segi ykkur frá því eftir helgi ;o)

Shit mér leiðist!

Ætla að reyna að ná í pabba, Heiðu og yngstu bræður mína tvo og athuga hvort þau vilji ekki fá mig í smátíma :o)

Hasta la vista!

Bad temper!

2007-07-04T20:45:00.000Z

Ég er í vondu skapi þessa dagana. Þá er ég ekkert voðalega fúl svona almennt en það þarf lítið til að ég verði alveg bandbrjáluð. Ég er mjög skapmikil en hef lært að hafa ágæta stjórn á því. En þessa dagana er ég mjög tæp.

Ég er sár og fúl út í mig, vini mína, veðrið, stöðumælaverði, hagkerfi landsins, hveiti, útlönd, úti-á-landi, sauma, IKEA og svona mætti lengi telja.

En það sem gerði mig glaða í dag var að hitta mömmu í góðu tómi, nýtt pils og ermar frá KVK, að hitta Völu núna á eftir (you better!), knús frá Fanney systur, að Kolli og Þóra koma á morgun...

...og núna er Vala komin so...Túrílú!

Svarfaðardalurinn

2007-07-01T22:23:00.000Z

Vá hvað ég hef ekki verið í stuði til að blogga lengi. Ætlaði alltaf að setja færslu um skólann hingað inn bara rétt eftir að ég var komin, svona á meðan þetta væri allt ferskt í hausnum, en gerði ekki. Er samt að pæla í að skrifa um það sem situr enn eftir.

Skólinn var æðislegur í ár, miklu skemmtilegri en í fyrra. Það var svo skemmtileg stemming í gangi. Ég fór á námskeið til Stephen Harper, sem er hreinræktaður snillingur með meiru, og var það mjög skemmtilegt en líka pínu erfitt. Húmorinn var staðsettur fyrir neðan belti og maður hló eiginlega allan daginn. Mér hefur alltaf fundist kokteilsósa lítið spes en allt í einu fékk ég ekki nóg af henni ;o) Við fengum að lemja vini okkar, elska vini okkar, misnota vini okkar, hlæja að vinum okkar og finna til með vinum okkar. Við vorum líka oft með grímur og það var alveg endalaust gaman að vinna með þær!

Og það var farið í blak, gufan var brúkuð á hverju kveldi enda ekkert betra en að sofna eftir góða gufu með innbyggðu nuddi í ;o) Það var kvöldvaka og á henni komst ég að því að ég var víst athyglissjúkasta manneskjan á svæðinu ;o) Víðir var næst athyglissjúkastur. Athyglissýkin lýsti sér að að við stelpurnar sem vorum saman í herbergi (ég, Rósa, Fanney og Una) sungum allar saman, ég söng Svarfaðardalinn með Hrefnu og Árna til að gefa réttu stemminguna í söguna hennar Siggu Birnu, við Árni sungum saman Come what may úr Moulin Rouge og létum taka okkur af lífi og að lokum tókum við Víðir verðbréfadansinn úr Bingói sem tókst líka svona vel :o) Hápunktur kvöldsins var atriðið hjá Gunna og Snorra úr sýningunni Dauði og jarðarber!

Við fórum líka í heimsókn til Berngt (eða hvernig maður skrifar það, ætla ekki einu sinni að reyna við seinna nafnið) brúðusmiðs og skoðuðum verkstæðið hans og fengum að kynnast nokkrum brúðum og sjá Ástarsögu og hlaupigaurinn úr Umbreytingu.

Nú busunin var á sínum stað. Ég var víst enn busi þar sem ég missti af herlegheitunum í fyrra. Þetta var nokkuð skemmtilegt hjá þeim og lögðu böðlarnir mikið í þetta. Una og Rósa voru svo mikil yndi í að vera ógeðslegar, eru bara allt of sætar til að þeim takist það. Víðir var scary og hélt ég að hann myndi kannski bara missa það í alvöru. Fyndnast var samt þegar við vorum sett inn í gufuna, ég vissi nefnilega alveg hvað var að fara að gerast ;o)

Shit ég var næstum að gleyma Bandaleikunum 2007! Þetta er skemmtilegasta keppni sem ég veit um :o) Ég var í hópnum Dyspraxic sem er orðið yfir þá sem hafa ekkert fjarlægðarskyn. Okkur fannst þetta góð hugmynd þangað til við fórum að reyna að borða og drekka. Vorum örugglega mest edrú lið keppninnar ;o) Og svengsta! En sem betur fer var bæði Hjálparsveitarlið og Ofurhetjulið! Og fjórða liðið var Ladies and gentlemen. Allt kvöldið vorum við síðan að labba á, detta, missa hluti, vera langt í burtu, vera alltof nálægt, etc. Fengum líka að hengja þvottaklemmur á allskonar líkamshár kennarans okkar nokkurra og kippa þeim svo í burtu, teikna á borð, syngja lag um það að vera dyspraxískur, veiða skordýr, halda ræðu með engum S-um og kasta pappaflugvél, en okkar flugvél flaug lengst vegna þess að við komum ekki vængjunum á hana ;o) Þegar liðið okkar var svo orðið vel blátt og blóðugt fengum við að vita að VIÐ UNNUM! :oD

Lokakvöldið var mjög skemmtilegt. Við komum Stephen á óvart með því að búa til Stephen-grímur á okkur öll og gáfum honum áfengi og geisladisk og bók sem innhéldu íslenska menningu. Maturinn var góður og svo dansaði maður frá sér allt vit. Svo var stiginn faðmlagadans í rúman klukkutíma þar sem maður var einhversstaðar milli svefns og vöku. Svo fór maður að sofa :o)

Svo útskrifuðumst við öll og kvöddumst.

Eins gott að ég skrifaði þetta ekki fyrr! Hvað ætli það hefði verið langt!

Afi Benni

2007-06-20T23:44:00.000Z

Afi Benni var pabbi pabba. Hann lést í seinustu viku. Hann var alltaf ljúfur og góður, en gat þó alveg verið ákveðinn. Hann bruddi bismark-mola í gríð og erg og laumaði hann oft til manns einum og einum. Man eftir því að hann og amma kíttu um allt og ekkert og okkur krökkunum þótti endalaust gaman að því, enda aldrei nein mikil alvara í því. Hann var líka endalaust duglegur og var að allan daginn, enda sofnaði hann oft yfir sjónvarpinu á kvöldin og var honum leyft að sofa þar til dagskrárloka eða þangað til hann fór að hrjóta. Það var alltaf gott að vera í kringum hann, það kom alltaf viss ró yfir mig. Mér mun alltaf þykja vænt um hann og trúi því eiginlega ekki að hann sé búinn að kveðja.

Takk afi fyrir að vera þú

Svik og prettir!!

2007-06-06T14:12:00.000Z

Þá styttist óðum í Skólann! Er að verða búin að fylla bílinn af farlausum fuglum en er ekki viss hvort allir sem báðu mig um far þurfi far...Þarftu far Sigga Birna? Ef einhver veit það má hinn sami láta mig vita!!! Annars fara Ásta og Una Dóra með mér í bíl alveg pott þétt. Planið er að leggja af stað klukkan 10:00 því ég þarf að "koma við" heima á Laugum og ná í nokkra hluti sem urðu eftir seinast eða komust ekki með. Þannig ég hendi stelpunum út á Akureyri, þar sem er gott að eyða nokkrum klukkutímum, og pikka þær aftur upp um sexleytið myndi ég halda.

Er ekki að nenna neinu þessa dagana sem er ekki gott því að nýjustu fréttir eru þær að gaurinn sem við mamma vorum að vinna fyrir sveik okkur...þannig enn og aftur er maður í atvinnuleit! Er búin að sækja um í apóteki, póstinum og á einhverjum einum stað í viðbót sem ég man ekki hver var...en ef ég verð ekki búin að fá svar frá neinum af þessum stöðum þegar ég kem til baka þá held ég að maður neyðist bara til að athuga með næturvaktir á Subway og Serrano...eins ótrúlega skemmtilegt og það hljómar! En ef þið vitið um einhverja góða og jafnvel skemmtilega vinnu sem er laus sem borgar ágætlega þá má alveg láta mig vita!

Ég er samt búin að vera semi-dugleg seinustu daga...er að verða búin að tæma hitt herbergið svo að Fanney systir geti bara komið sér fyrir um leið og hún kemur frá Kýpur...shit hvað ég hlakka til! Þá kemur líka smá svona fjölskyldustemming inn á heimilið. En já tæma herbergið...losa mig við sófann í kveld til hennar Ágústu og þá held ég að allt verði komið...

...bara verst að ég hef engan stað til að hengja upp alla kjólana mína og pilsin og það dót í nýja herberginu mínu...flest af þessu núna í kuðli á þvottagrindinni eða hangandi í gardínustöngunum já og gardínunum sjálfum...en það má ekki lengi því sólin upplitar fötin! Og það verður allt svo krumpað af því að vera í kuðli lengi! Þarf að koma upp fataslá inni í herbergi.

Og það lítur út fyrir það að við systur munum búa hérna um (langan) óákveðinn tíma þannig reynt verður að koma sér sem best fyrir. Reyndar full sem þarf að laga hérna og er þá sérstaklega baðherbergið sem er í vondu ásigkomulagi! Ojbara ojbara ojbara! Klóaklyktin gæti myrt rottuher og svo er fullt af litlum pöddum út um allt! Enda er á dagskránni að hafa samband við meindýraeyði og skipta um öll klósettmál...og athuga hvort sturtan geti ekki gert eitthvað meira en að slefa á mann! En þangað til verð ég bara ofvirk á ryksugunni og klósetthreinsinum og læt mig bara hafa það að þvo mér upp úr slefi ;oP

Ef það er ekki bað á baðherberginu er það þá sturtuherbergi?!?

Já, ég bulla mikið í dag enda hef ég eiginlega ekkert að gera!

Langar í helgarferð til London í sumar, helst með einhverjum. Langar líka til Eistlands með Fanney ef hún fer, en efast um að ég hefði efni á því. Langar líka til Kosovo svona á meðan maður getur gert það á ódýrari hátt en ella, en hef ekki einu sinni efni á því að gera það þannig. Langar til þess að vera heima á Laugum í svona 2 vikur...og geri það bara kannski!

Þoli ekki svikara!

Og ég þoli ekki að vera fátækur námsmaður!

En eftir situr minning um löngu liðin ár

2007-06-01T13:25:00.000Z

Þá er bara fyrsti júní kominn og með honum reykingarbannið gleðilega! Hibb hibb húrra!!! Núna verða söngskólafélagar mínir vonandi aðeins viljugri til að kíkja við og við á kaffihús til að lyfta sér á kreik! Jei! Hef stundum verið soldið einmana í þessum kaffihúsaferðum mínum...tja þangað til við föttuðum að B5 var byrjað á reykingarbanni ;o)

En aftur húrra fyrir reykingarbanni! það munar svo ótrúlega miklu!

Svo var aðalfundur Hugleiks í gær og þar var rætt mikið um eitt og annað og svo var kosið í stöður þeirra sem voru að detta út úr stjórninni...Sigga Lára og Gummi létu af störfum og ég, Ásta og Tóró fylltum upp í mannfjöldaskarðið sem myndaðist við það.

Ég veit...ég er háð þessu...en núna er ég allavega ekki að gegna neinni formannsstöðu yfir vetrartímann...býst við að það létti aðeins af manni...og svo ætla ég ekki að vera með í neinu stóru verkefni í leiklistinni næsta vetur þannig að ég held það róist aðeins hjá mér...enda hafa verið bornar upp kvartanir um það hvað ég hafi alltaf mikið að gera...!

Svo er það auðvitað plögg...en ekki hvað ;o)

Þjóðleikhúskjallarinn í kveld kl. 22:30...mögnuð tónlistardagskrá sem ætti að koma öllum í stuð enda föstudagur eins og margir hafa eflaust tekið eftir! Kostar 1000 kr. inn ;o)

Hlýtur samt að vera soldið erfitt að hafa fyrsta reykingarbannsdaginn á djammdegi!?!

Og svo er það skólinn!!!!!!!! Jei!!!!!!! vika!!!!!!!!!! Og ég meira að segja búin að borga hann alveg og allt :o)

Eitt óþægilegt við að vinna svona frílans vinnu og það er að maður fær ekki útborgað um mánaðarmótin :o/ En ef maður lítur svo frá annarri hlið á það þá er það mikill kostur að fá ekki útborgað um mánaðarmótin ;o)

En núna er ég hætt að bulla og ætla að fara að gera eitthvað...eins og að koma fullt af dóti í geymslu :o/ Grey bakið mitt! Ég er ekkert að fara vel með það og gleymdi meira að segja að mæta í sjúkraþjálfun í gær! Ohhh! Ég get ekki munað að ég sé bakveik fyrr en ég finn til í bakinu og það mikið :o/

Minnið mitt verður bara verra og verra með hverri vikunni :o/

En núna er ég í alvöru hætt að bulla...

...bless!

Og lífið allt var franskur koss!

2007-05-29T12:14:00.001Z

Jæjah!

Alltof langt síðan það var sett inn ný færsla á þessa síðu!

En það hefur sínar ástæður, eins og flest annað. Ég er búin að vera að vinna á fullu. Afraksturinn mun koma með Mogganum á fimmtudaginn, held ég alveg örugglega, og kallast sérblað um Vestfirði.

Kíkti líka aðeins norður hálfa helgina. Þar var verið að útskrifa Fanney og skíra Þórhall. Mjög góð helgi og gott að komast aðeins í faðm fjölskyldunnar. Svo flutti Fanney suður á laugardaginn og fór til Kýpur á sunnudaginn. Þar verður hún í tvær vikur og kemur aftur á meðan ég er í skólanum.

Já jibbí! Bara rúm vika í Skólann! Hlakka endalaust mikið til! Er líka kvíðin, er svo hrædd við það óþekkta. En samt aftrar það ekkert af mér að henda mér út í djúpu laugina! það er líka hálft gamanið.

Í kvöld klukkan 21:00 er svo tónlistardagskrá Hugleiks í Þjóðleikhúskjallaranum og hvet ég alla eindregið til að mæta og hlýða á misgáfulega texta og skemmtilega tónlist. Aldrei að vita nema ykkar einlæg opni á sér þverrifuna og góli eitthvað. Ef þið komist ekki í kvöld þá er bara að mæta á föstudagskveldið en þá verður gamanið endurtekið, en þá er það klukkan 22:30.

Núna er ég svo eiginlega komin í smá frí, bara úthringidjobbið á kveldin 3x í viku. Held það verði þannig þangað til eftir skóla, nema ég verð náttúrulega ekki að hringja út þar.

Við söngfuglarnir hittumst á sunnudagskveldið og grilluðum saman. Það var mjög skemmtilegt enda kann þetta lið að skemmta sér þegar það loksins leyfir sér það ;o) Vona að þetta verði gert oftar í sumar.

Fékk líka einkunirnar mínar úr Söngskólanum og verð að segja að ég er bara nokkuð sátt. Dómarinn var að gefa mjög lágar einkunnir en ég fékk 85 sem er venjulega lægsta einkunin sem maður sættir sig við en núna er þetta bara nokkuð góð einkunn. Ég bjóst meira að segja við lægri einkunn. Svo eru kommentin hans flest góð, bara eitt og eitt smáatriði sem hann setur út á, þannig það er ekki alveg í samræmi við stigagjöfina hans. En svona er fólk misjafnt. Kannski gefur hann bara pro söngvurum hæstu einkunn?!?!

Annars held ég að það hafi ekki fleira markvert gerst síðan síðast, en ég gæti alveg verið að ljúga að ykkur.

Þannig að ég ætla að fara að taka til hérna heima og kannski fara með kassa í geymslu til mömmu.

Eigið góðan og sólríkan dag!

SMILE!

2007-05-17T12:54:00.000Z

Brosmildur dagur í dag :o) Mætti þess vegna alveg vera sólskin...en maður fær nú ekki allt sem maður vill ;o)

Allir lausir endar að hnýtast og bara allt í gúddí!

Fór í leikhús í gær á Cymbeline í Þjóðleikhúsinu með Cheek by Jowl leikhópnum. Gerður átti aukamiða og bauð mér að koma. Gebbuð sýning og gaurinn sem lék 2 aðalhlutverk var klikkað góður! Úfff! Ekkert jafn flott og að sjá leikara vinna vel! Og allir í þessari sýningu gera það þó það sé kannski eitt og eitt smáatriði hjá nokkrum sem ollu mínusum. En ég mæli með þessari sýningu!

Svo er ég með frunsu :o( Þoli ekki að fá frunsu! Og þær koma eiginlega alltaf á versta tíma! Núna er t.d. ekki góður tími til að vera með frunsu!

Góðir dagar framundan samt...fer að vinna eins og klikkhaus næstu 5-6 daga..fæ svo loksins einkunirnar mínar...fer norður að syngja og sjá Fanney útskrifast...kem svo aftur suður og klára að gera herbergið ready fyrir komu Fanneyjar suður :o)

Gæti sungið í allan dag ef ég væri ekki að fá hálsbólgu :o/

Þetta er eitt andlaustasta blogg sem ég hef skrifað...og er þá mikið sagt...!

Sumarið er komið!

2007-05-15T00:27:00.000Z

Þá er maður búin með öll próf þetta vorið. Kláraði tónlistarsöguna í dag og fór létt með það eiginlega...en best að vera ekki með nein stór orð fyrr en maður fær einkunnina í hönd ;o)

Við Una eyddum bara deginum liggjandi í grasinu í Hljómskálagarðinum að læra. Það var mjör næs og merkilega mikið af fólki. Ég man ekki eftir því að garðurinn hafi verið svona vel sóttur þegar ég var krakki, en þá hékk ég mikið þarna. Átti tvö bú þarna í garðinum sem voru vel varin með heimatilbúnum þjófavörnum í anda Home Alone ;o)

Var á kóræfingu áðan og allt í einu einn tveir og þrír áttum við Rúna Vala að taka "einsöngspartinn" í Maístjörnunni...! Það gekk þokkalega en mikið af helginni er þó enn þá á röddinni :o/ Svo er það bara að syngja fyrir heldri borgara á morgun og eitthvað út mánuðinn.

Skemmtileg seinasta helgi. Lokapartý Bingó var ljúft eins og hópnum er einum lagið. Láum bara í pottinum og létum fara vel um okkur og allt glimmer skolaðist í burtu (nema potturinn sé bara orðinn glimmerhúðaður núna!)

Daginn eftir fór ég með Unu og Kalla að sjá lokaatriðið hjá Risessunni og félögum. Ég hefði ekki viljað missa af því að sjá þessa risa. Við létum okkur samt nægja að horfa á herlegheitin af Arnarhóli enda var fínasta útsýni þaðan. Eftir á var svo mikil þörf á kakóbolla til að koma hita í kroppinn.

Kaus svo á leiðinni heim...Í fyrsta sinn sem ég hef kosið...gaman að því.

Um kveldið var júróvisjónpartý hjá Röggu en söngfuglar voru ekki alveg að standa sig í mætingunni! En það var mjög skemmtilegt og í stigagjöfinni voru allir með tvö lönd í drykkjuleik. Við erum samt ekki jafn dugleg og sumir og ákváðum að það væri nóg að drekka 5 sopa fyrir hæstu 3 stigin en 1 sopa fyrir önnur stig, vorum ekki alveg til í sopi á stig dæmið! Ég fékk Armeníu og Frakkland og bjóst nú ekki við að eiga eftir að finna nokkurn skapaðan hlut á mér eeeeeeeeen haldiði að Armenía hafi ekki bara verið í 5. eða 6. sæti eða eitthvað! Þetta var samt merkilega leiðinleg keppni fannst mér! Fann ekkert alminnilegt að halda með...enda verður maður eiginlega að vera búin að hlusta á lögin fyrirfram því hljóðblöndunin er bara eitthvað skrítin og maður heyrir ekkert í söngvurunum!

Svo var haldið niður í bæ eftir á og byrjað á því að dansa af sér rassinn á Kúltúra og svo dansað frá sér allt vit á Kofanum. Mjög gott kveld :o)

Hahaha nema fyrir utan það að á leiðinni heim þá fattaði ég að ég væri ekki með lykla að íbúðinni minni, bjóst við því að þeir hefðu dottið úr vasanum annaðhvort á Kúltúra eða Kofanum. Svo var ég að ganga til nýja skó og þess vegna alveg dáin í löppunum! En Helgi bjargaði mér rétt rúmlega 7 minnir mig nema ég skildi skóna mína eftir fyrir utan hjá mér því ég hélt ég væri bara að fara til Unu að ná í lyklana mína en endaði að fara einhvern rúnt með Helga því hann var að skila einhverjum gaurum til síns heima og þá var klukkan orðin svo margt að ég krassaði bera á gestasófanum hjá honum. Og þegar maður sofnar seint þá vaknar maður seint og var komin kaffitími þegar maður fór á fætur og var ég viss um að skórnir væru pott þétt horfnir af tröppunum mínum. En viti menn! Þarna stóðu þeir enn elskurnar...enda kannski ekki margir sem hafa not af skóm númer 36...! Alltaf gaman að lenda í smá ævintýrum í sumarbyrjun :o) Já, svo hafði ég bara gleymt lyklunum heima...

Atvinnuviðtal á morgun klukkan 10...ég býst alveg við að fá þá vinnu enda vinnutíminn bestur í heimi svona yfir sumartímann...frá 7-13 alla virka daga :o) Líst vel á það því þá er allur dagurinn eftir! Svo er svo gott að vakna snemma á morgnana á sumrin.

En ég ætla að halla mér núna...eða að minnsta kosti að fara að horfa á DVD.

Sweet dreams!

Glitter and gay partý!

2007-05-11T20:18:00.000Z

Já nú eru bara nokkrir klukkutímar þar til glitter and gay lokapartý bingósins hefst!

Ég held ég sé búin að grafa það upp sem ég á af glitrandi dóti og svo er það auðvitað jólaglimmerbodylotionið góða ;o)

Ég og Heiðrún skelltum okkur í sund í dag og tókum námsbækurnar með...og já við lærðum! merkilega þægilegt að læra í sundi...eða hjá sundi réttara sagt ;o) Stefnum á aðra sundferð á morgun og verðum þá nestaðar ;o)

Fínt lokaprófagrillpartý í gær í Söngskólanum. Það seinasta sem ég geri sem formaður þar :o) Það gekk mjög vel fyrir sig og eurovision varpað á tjald og alles! Og enginn bömmer í gangi yfir því að við komumst ekki áfram því ég bjóst aldrei við því...finnst þetta lag bara ekki gott...frekar en mörg önnur lög í keppninni.

Svo er ég bara farin að hlakka rosalega til þess að fara í skólann og svo eru margar pælingar komnar í gang með sumarið en ég á samt enn eftir að finna mér alminnilega morgunvinnu í sumar...vil helst ekki vinna lengur en til 14 á daginn og er alveg til í að byrja 6 á morgnana svo lengi sem ég fæ frí um helgar!

Þoli ekki byrjun hvers ársþriðjungs...maður er svo uppfullur af allskonar hugmyndum og látum og svo bara er þetta oftast sama gamla tuggan!

En ég hef á tilfinningunni að þetta eigi eftir að vera gebbað sumar!

Enda verður Fanney systir hjá mér :o)

Ég hef bara eitt að segja...

2007-05-11T01:42:00.000Z

...og það er að manneskjan ætti ekki að vera í nágrenni við nettengdar tölvur þegar manneskja er einmana og undir áhrifum áfengis!

Takk fyrir, búið, bless!

Ekki abbast upp á konu í skítugum skóm!

2007-05-07T23:35:00.000Z

Í gær:

Fór ég í bíó með Fanney systur klukkan 13:00...Mikið af börnum, sérstaklega strákum, í salnum...sem gerði þetta að sérstakri lífsreynslu! En hvað gerir maður ekki fyrir ódýrari bíómiða? Myndin var Spiderman 3 sem er ekkert meira né minna en það sem maður býst við.

Skutlaði Fanney á flugvöllinn og náði þar að knúsa Heiðu og Þóa :o)

Fór svo á tónleika hjá Erlu Dóru og kippti Ágústu með mér...Frábærir tónleikar...er enn með gæsahúð! Ofboðslega falleg rödd og góður söngur og svo falleg sviðsvera!

Svo fórum við Ágúst í leikhús á seinustu sýningu af Afgöngum í Austurbæ. Það var fínt. Stefán Hallur er mjög góður leikari og ég verð eiginlega bara hrifnari af honum með hverri sýningunni!

Í dag:
Vöknuðum við Una klukkan 9:00 og skelltum okkur í sund þar sem ég vígði nýja bikiníið...Það var ljúft og láum við þar dormandi til 12:00

Þá fórum við í bakarí og átum herlegheitin í Grasagarðinum.

Svo flutti Una út og ég flutti mig yfir í hitt herbergið :o) Er að fíla mig betur þar!

Fór á fund hjá Óperukórsstjórninni og þar var ýmislegt skemmtilegt rætt!

Svo var kóræfing.

Og ég endaði daginn með því að ná í Helga og var farið og fengið sér ís og rúntað um.

Og núna er komið að DVD!

zzzzzzz

2007-05-06T03:55:00.000Z

Var andvaka seinustu nótt.

Fór til spákonu í dag.

Þjónaði í prófdómarapartýi í kveld.

Er komin heim.

Er þreytt.

Ætla að sofa!

Spaghetti með tómatsósu

2007-04-30T01:38:00.000Z

Um helgina:
- Fór ég á tónleikana Reisum Rósenberg, bæði laugardagskveld og sunnudagskveld og sé ekki eftir því! Frábærir og mjög ólíkir tónleikar sitthvort kvöldið. Þetta lið sem stóð að þessu á bara hrós skilið! Frábært framtak!
-djammaði ég...allavega á laugardagskveldið...einhverra hluta vegna man ég ekki hvað ég gerði á föstudagskveldið en ég veit að ég var að vinna og svo held ég það hafi bara verið Dr. House...ef einhver hefur einhverjar aðra upplýsingar eru þær vel þegnar (en ég held að ég muni það ekki því ekkert gerðist sem er ekki bara í rútínunni).
-En já ég djammaði í gærkveld eftir tónleikana. Út um allar koppagrundir...það var gott og gaman fyrir utan það að...
-...ég fór í söngtíma í morgun...eða klukkan hálf eitt...smá reykur á röddinni og pínu þreytt (reynið að dansa á djamminu og syngja ekki með því litla sem þið kunnið í lögunum) en ég hafði passa mig vel á því að verða ekki drukkin þannig engin var þynnkan :o)
-Lærði ég...jábbs próf í hljómfræði á morgun klukkan 13:00 að staðartíma. Rúlla þessu upp eins og vindlingi! Er núna að fara að læra..var bara að bíða eftir að pastað myndi sjóða :o)
-Kom það í ljós að við fáum að sýna Bingó 3x í viðbót! Og því fylgir plögg....

...BINGÓ 3X Í VIÐBÓT!!!

SÝNINGAR:

MÁNUDAGINN 30.04.07 KL. 20:30
ÞRIÐJUDAGINN 01.05.07 KL. 20:30
MIÐVIKUDAGINN 02.05.07 KL. 20:30

Í FÉLAGSHEIMILINU Í KÓPAVOGI

MIÐAPANTANIR Á WWW.HUGLEIKUR.IS

Ég verð ógeðslega sár ef ÞÚ kemur ekki!